Indoneziyaning «Kompasiana» elektron nashri 12 yanvar' kuni Halqaro islom akademiyasida bo'lib o'tgan xorijdagi O'zbekiston elchilari bilan uchrashuvga bag'ishlangan maqolani chop etdi, deb xabar bermoqda "Dunyo"axborot agentligi.
Ma'lum qilinishicha, yig'ilishda O'zbekistonda ziyorat turizmining rivojlanishi, tarmoqni butun dunyoni qamrab olgan koronavirus pandemiyasi bilan bog'liq inqirozdan olib chiqish yo'llari muhokama qilingan.
Ta'kidlanishicha, Imom Moturidiy, Imom Buxoriy, Imom Nasafiy, Naqshbandiy va Yassaviy kabi ulug' allomalarning boy ilmiy meroslari har tomonlama o'rganilib, dunyoga keng targ'ib qilinmoqda. Rossiya, Qozog'iston, Turkiya, Malayziya, Indoneziya, Pokiston va boshqa mamlakatlarda katta qiziqish uyg'otmoqda. Shuningdek, O'zbekistonga Hindiston, Indoneziya, Malayziya, Pokiston, Misr fuqarolarida qiziqish juda katta ekani va bu borada o'zaro hamkorlikda faoliyat yuritish orqali yaxshi natijalarga erishish mumkinligi qayd etildi.

O'zbekiston musulmonlari idorasi matbuot xizmati