Dog'istonlik muslima ayol Maryam Sharipova g'ayrioddiy qo'g'irchoq kashf qildi. Uni “muslima” deb nomladi. U noyob “qobiliyat”li bo'lib, kichkina do'stiga ismini aytib murojaat qiladi, Qur'on suralarini o'qiydi, Allohning go'zal ismlarini aytadi va besh vaqt namozni o'rgatadi.

Kashfiyotchi ushbu qo'g'irchoqlar farzandiga ibodat qilish yo Qur'on oyatlarini to'g'ri talaffuz qilishni o'rgatolmaydigan onalarga yordamchi bo'lishini ma'lum qildi, hozirda har oy 100 tadan 150 tagacha qo'g'irchoq ishlab chiqarilayotgani, keyinroq 500 ga etkazish reja qilinganini aytdi.

Maryam Sharipova: “Avvalo, qo'g'irchoqlar orqali o'z qizaloqlarim qalbiga an'anaviy xalq kiyimlariga bo'lgan muhabbatni singdirmoqchi edim... Hozir, ishlar yaxshi ketmoqda. Qo'g'irchoqlar anchadan buyon Yevropa, AQSh va Avstraliyada sotilmoqda. Kelgusida Shimoliy Kavkazning barcha tillarida gaplashadigan qo'g'irchoqlarni ishlab chiqarishni rejalashtirganmiz”.

O'zbekiston musulmonlari idorasi
Halqaro aloqalar bo'limi