Sayt test holatida ishlamoqda!
10 Iyul, 2025   |   15 Muharram, 1447

Toshkent shahri
Tong
03:17
Quyosh
04:59
Peshin
12:33
Asr
17:41
Shom
20:02
Xufton
21:36
Bismillah
10 Iyul, 2025, 15 Muharram, 1447

O'zbekiston Prezidentining Oliy Majlisga Murojaatnomasi Islom hamkorligi tashkiloti nashri diqqat markazida

09.01.2021   1525   3 min.
O'zbekiston Prezidentining Oliy Majlisga Murojaatnomasi Islom hamkorligi tashkiloti nashri diqqat markazida

Malayziyaning mashhur «OIC Today» jurnalida «Prezident Shavkat Mirziyoevning Oliy Majlisga Murojaatnomasi» sarlavhali tahliliy maqola nashr etildi, deb xabar bermoqdi «Dunyo» AA.
Nashr O'zbekistonda o'tgan «Ilm, ma'rifat va raqamli iqtisodiyotni rivojlantirish yili»da barcha sohalarni isloh qilish uchun amalga oshirilgan keng ko'lamli ishlar yangi mamlakat qurishga qaratilganligini ta'kidlamoqda. Misol tariqasida bir qator ma'lumotlar keltirilgan. Jumladan, oliy o'quv yurtlariga qabul qilish parametrlari 2016 yilga nisbatan 2,5 baravar, o'zbek yoshlarini oliy ma'lumot bilan qamrab olish darajasi esa 9 foizdan 25 foizgacha o'sdi. Shuningdek, birinchi marta kam ta'minlangan oilalarning mingga yaqin qizlari maxsus davlat grantlari asosida oliy o'quv yurtlariga qabul qilinganligi qayd etilgan.
Shu bilan birga, muallif o'quvchilarni O'zbekistonning iqtisodiy rivojlanish sohasidagi yutuqlari bilan tanishtirdi. Ta'kidlanishicha, Halqaro valyuta jamg'armasi va xalqaro reyting agentliklari hisob-kitoblariga ko'ra, O'zbekiston dunyodagi mavjud vaziyatga qaramay, 2020 yilda iqtisodiy o'sishning ijobiy sur'atlarini saqlab qoldi. Bundan tashqari, mamlakatda 197 ta yirik, minglab kichik va o'rta korxonalar hamda infratuzilma yaratildi.
Nashrda mamlakatimizning BMT Inson huquqlari bo'yicha kengashiga saylanishi, shuningdek, O'zbekiston rahbarining BMT minbaridan aytilgan global va mintaqaviy tashabbuslari alohida e'tirof etildi. Muallif ta'kidlanganidek, ushbu tashabbuslar katta qiziqish bilan kutib olingan va dunyo hamjamiyati tomonidan qo'llab-quvvatlanmoqda.
Shu bilan birga, maqolada Prezident Shavkat Mirziyoev yoshlarning ulkan maqsadlarga erishish imkoniyatlarini kengaytirishni ustuvor vazifa sifatida belgilaganligi ta'kidlangan. Shu munosabat bilan mamlakatda davlat rahbari tomonidan taklif qilingan «Yangi O'zbekiston maktab ostonasidan, ta'lim va ma'rifat tizimidan boshlanadi» tamoyili doirasida keng ko'lamli islohotlar rejalashtirilgan.
«2021 yilda sog'liqni saqlash tizimini rivojlantirishga alohida e'tibor beriladi. Koronavirus pandemiyasiga qarshi kurash O'zbekiston uchun eng muhim vazifalardan biri bo'lib qoladi. Mazkur vazifalar uchun 2021 yilgi davlat byudjetida 300 million dollarlik zaxira shakllantirildi. Ushbu mablag'lar aholini koronavirus infektsiyasiga qarshi emlash uchun ham sarflanadi», - deyiladi maqolada.
Hulosa o'rnida Malayziya OAV mamlakatni barqaror rivojlantirish maqsadida Hukumat boshlangan islohotlarni izchil davom ettirishini va har bir fuqaro o'z hayoti va taqdiri O'zbekistonning taqdiri va kelajagi bilan uzviy bog'liqligini yanada chuqurroq his qilishini bildirgan.
«OIC Today» - butun dunyo siyosatchilari uchun Islom hamkorligi tashkiloti (IHT) mamlakatlari haqidagi premium-klassdagi ishbilarmonlik va investitsiyaviy jurnal.

O'zbekiston musulmonlari idorasi matbuot xizmati

O'zbekiston yangiliklari
Boshqa maqolalar
Maqolalar

​Jamoat haqining gunohi og‘ir!

10.07.2025   2016   4 min.
​Jamoat haqining gunohi og‘ir!

O‘zbekiston Respublikasi Bosh prokuraturasi xabar berishicha, may oyining 13-sanasida bir kunda 3 mlrd so‘mlik energoresurslarini talon-toroj qilish holatlari aniqlangan. Afsuski, bugun bunday gaz va elektr energiyaga yashirincha ulanib, davlatga milliardlab zarar yetkazgan kimsalar haqidagi xabarlarni tez-tez o‘qib qolamiz.
 

Birovning, ayniqsa, xalq haqidan qo‘rqmay o‘g‘rilik orqali manfaat topmoqchi bo‘layotgan insonlar oramizda ko‘plab topiladi. Bundaylarning nazdida gaz, suv, elektr energiya tuganmas boylik. Undan har kim o‘z manfaati yo‘lida foydalanishi mumkin. Biroq bu ne’matlar xonadonlarga kirib borishi uchun minglab insonlar mehnat qilishini, davlat esa milliardlab mablag‘ sarflashini, ular ham bir kun tugab qolishini xayoliga ham keltirmaydi.


Aslida ushbu ne’matlardan oqilona foydalanish, isrof qilmaslik nafaqat fuqarolik majburiyatimiz, balki insoniy vazifamiz, mo‘minlik burchimizdir.


Aytish joizki, uyda, ishda, ko‘chada kommunal to‘lovlar atrofida aylanayotgan qator muammolar haqida ko‘p eshitamiz, ba’zan o‘zimiz uning guvohi yoki bevosita ishtirokchisiga aylanamiz. Lekin bu muammolar to‘lovni o‘z vaqtida amalga oshirmaslik yoki ayrim nobop kimsalarning qilmishi oqibatida yuzaga chiqayotgani yodimizga ham kelmaydi. To‘lovlarni imkon bo‘la turib asossiz bahonalar yoki o‘z vaqtida to‘lamaslik yoki hisoblagich jihozlarini teskariga aylantirish yoxud har xil hiylalar ishlatib, ularni to‘lashdan qochish davlatning va xalqning haqini yeyish hisoblanadi. Chunki tabiiy boyliklar davlat va xalq mulkidir.


Qolaversa, kommunal xizmatlardan foydalanish uchun har bir xonadon ta’minotchilar bilan shartnoma tuzib, qo‘l qo‘ygan va o‘zaro kelishuvda to‘lovni o‘z vaqtida ado etishga kelishgan. Shu bois to‘lovlarni vaqtida ado etishimiz shar’an ham joiz. 


Ta’kidlash lozimki, xalqning mulkida barcha fuqarolar, xususan, kam ta’minlanganlar, nogironlar, yetim-yesirlar, keksalarning haqi bor. Ulardan foydalanishga kelganda faol bo‘lib, to‘lovga kelganda qochayotgan, paysalga solayotganlar yuqorida zikr etilgan qatlamlarning ham haqini o‘zlashtirib, nohaq yeyayotganini bilib olsinlar. Zero, Qur’oni karimda: Ey iymon keltirganlar, bir-birlaringizning mollaringizni botil yo‘l bilan yemanglar (Niso surasi 29-oyat), deya ogohlantirilgan. Shunday bo‘lgach, har bir fuqaro o‘zgalarning moliga, ayniqsa, jamoat mulkiga xiyonat etmasligi darkor! Bunga e’tiborsizlik oxiratda yomon oqibatlarga olib kelishi mumkin.


Havla binti Amr roziyallohu anho rivoyat qilgan hadisda Rasululloh sollallohu alayhi va sallam bunday deganlar: Ba’zi bir odamlar Allohning mulki (jamoat pullari)ga xiyonat qiladi. Qiyomat kuni ular jahannamga ravona bo‘lishadi (Imom Buxoriy rivoyati). Shunday ekan, bu masalaga jiddiy yondashishimizga to‘g‘ri keladi.


Shuningdek, gaz, elektr energiya va suv kabi ne’matlardan oqilona foydalanish ham dinimiz talabidir. Zero, Payg‘ambarimiz sollallohu alayhi va sallam: “Iqtisod qilgan kimsa kambag‘al bo‘lmas, maslahat qilgan pushaymon bo‘lmas” (“Mushkotul nasobih”), deb tavsiya  berganlar.


Ibn Abbos roziyallohu anhudan rivoyat qilingan hadisi sharifda Nabiy sollallohu alayhi va sallam: “Solih hidoyat, go‘zal ko‘rinish va iqtisodli bo‘lish nabiylikning yetmishdan bir juzidir”, dedilar (Imom Buxoriy rivoyati).


Demak, doim ahli solihlardan bo‘lib, tejamkor bo‘lish, isrofga yo‘l qo‘ymaslik, har bir narsani o‘z o‘rnida, me’yorida tasarruf qilish, keragidan ortiq, behudaga sarflamaslik nabiylikning yetmish juzidan bir juz, yetmish bo‘lagidan bir bo‘lak ekan. Buni har bir mo‘min-musulmon yaxshi anglab, hayotiga tatbiq qilishi lozim.


Xulosa qilib aytganda, halollik inson hayotini xotirjam, osoyishta va farovon qiladi. Shunday ekan, kommunal to‘lovlarni o‘z vaqtida to‘lab, xalq haqiga xiyonat qilmaylik, azizlar!

 

G‘ayrat BOZOROV,

Dehqonobod tumani

“Oqrabot ota” jome masjidi

imom-xatibi

Maqolalar