Dunyo asli zulmatdir! Magar ulamolar majlisigina mustasno.
Hasan Basriy
***
O'zingda yo'q narsa bilan yasanishga urinma!
Tanilganlar tanilmaslikni xohlamagunlarigacha tanilmadilar!
Sufyon ibn Uyayna
***
Tishi chiqqan bolaga chaynab bergan osh bo'lmas
Abdulla Qahhor
***
Muhabbat uyg'ongan joyda har qanday qonun va qoliplar chekinadi.
Sayyid Abror Umar
***
Kishining olim bo'lishiga Alloh taolodan qo'rqmog'i, ilmsiz qolishiga esa amaliga mag'rurlanishi kifoya qiladi.
Masruq
***
Haq taolo har zamonda olimlarni o'shal zamona xalqining amallariga munosib so'zlar bilan gapirtirib qo'yadi.
Abu Turob Naxshabiy
***
Ixlos bilan qilinmagan har qanday ish behuda bo'lib, zoye ketadi.
Mahmud az Zamaxshariy
***
Farzandlaringiz emas o'zingizni tarbiyalang, ular baribir sizga o'xshashadi.
Tarix muhrlagan so'zlar
***
Payg'ambarimiz sollallohu alayhi vasallam dedilar: “Yomon fikrlar noto'g'ri qarorlarning sababidir”.
Imom Muslim rivoyati
***
“Ey, insonlar, gumondan qo'rqinglar (boshqa inson haqida yomon xayolga borganingizda, siz hech qanday isbotsiz uni gunoh qilganlikda ayblaysiz), bunday gumon – inson ongining eng yomon nutqidir. Quloq solmang (bilintirmasdan) va ayg'oqchilik qilmang…”
Hadis
***
“Ey, iymon keltirganlar! Ko'p gumonlardan chetda bo'linglar, chunki ba'zi gumonlar gunohdir”.
Hujurot surasi, 12-oyat
***
Manbalar asosida Saidabror Umarov tayyorladi
O‘zbekiston Respublikasi Prezidenti Shavkat Mirziyoyevning topshiriqlari bilan xalqimizning bag‘rikenglik va qo‘llab-quvvatlash ramzi sifatida "Qurbon hayiti" (Eid al-Adha) munosabati bilan Afg‘oniston aholisiga 183 tonna oziq-ovqat mahsuloti ortilgan navbatdagi insonparvarlik yordami yuklari Balx viloyatiga yetkazildi.
Insonparvarlik yuklari Hayraton shahridagi "Astras" kompaniyasi hududida O‘zbekiston Respublikasi Prezidentining Afg‘oniston bo‘yicha maxsus vakili Ismatilla Irgashev, Surxondaryo viloyati hokimi Ulug‘bek Qosimov hamda Balx viloyati gubernatorining o‘rinbosari Nurulhodi Abuidris, shuningdek, ikki tomon rasmiylari ishtirokida topshirildi.
Insonparvarlik yordami tarkibidan un, guruch, shakar, makaron va qandolat mahsulotlari, o‘simlik yog‘i, tez tayyorlanadigan taomlar, qizil loviya va mosh o‘rin olgan.
Afg‘oniston rasmiylari O‘zbekiston Prezidenti va xalqiga ko‘rsatayotgan insonparvarlik yordami uchun minnatdorchilik bildirib, Qurbon hayiti munosabati bilan samimiy tabriklarini yo‘llashdi.