Sayt test holatida ishlamoqda!
11 Iyul, 2025   |   16 Muharram, 1447

Toshkent shahri
Tong
03:18
Quyosh
05:00
Peshin
12:34
Asr
17:41
Shom
20:01
Xufton
21:35
Bismillah
11 Iyul, 2025, 16 Muharram, 1447

Bir savol so'rasam: Erim tamaki mahsulotlari savdosi bilan shug'ullanadi. Erimning topgan puli harom-mi?

03.01.2021   1950   1 min.
Bir savol so'rasam: Erim tamaki mahsulotlari savdosi bilan shug'ullanadi. Erimning topgan puli harom-mi?

— Ho'jayinim do'konlarga tamaki mahsulotlarini etkazib berish bilan shug'ullanadi. Sigaret ham aroq kabi harom deb eshitganman. Ho'jayinimga: “Bu ishni qilmang, harom bo'lishi mumkin”, desam u kishi: “Bunday emas, sigaret harom emasligi haqida fatvolar chiqqan”, deydi. Oilamga harom luqma kelishidan, uni bolalarimga edirishdan qo'rqaman, shuni o'ylab xavotirdaman. Men shu vaziyatda nima qilishim kerak?

— Eringiz noto'g'ri aytibdi. Aroqning haromligi qadimdan Qur'on va Sunnatda sobitdir. Tamakining haromligi oxirgi paytda ulamolarning fatvosi orqali bo'lgan. Ikkisining orasidagi farq shunda. Shuningdek, insonning tanasi, aqli va ish qobiliyatiga zarar qiladigan narsalar ham man qilingan. Alloh taolo Qur'oni karimning “Baqara” surasida: “O'zingizni halokatga tashlamang”, deb buyurgan. Tamaki kabi zararli narsalar shu tarafdan ham joiz bo'lmaydi. Eringiz boshqa ish topsin.

 

Muhammad Ayyub HOMIDOV

Maqolalar
Boshqa maqolalar
Maqolalar

Otam o‘rgatgan uch amal

11.07.2025   152   1 min.
Otam o‘rgatgan uch amal

Otam menga o‘rgatgan uchta ishni hech qachon unutmayman. Sizlarga ham ular haqida aytib bergim keldi.

Birinchisi, otam mening qo‘limdan tutib, yozishni o‘rgatardi. Men o‘qish va yozishni otamdan o‘rgandim. Hayotim mobaynida nimaiki yaxshi narsa o‘qisam, yozsam, uning savobidan otamga ham nasiba borib turadi, inshoalloh.

Ikkinchisi, otam tirnoqlarimni olib qo‘yar, menga bu ishning ahamiyati, tirnoq ostidagi mikroblarning zarari, xususan, ovqat paytidagi ziyoni haqida gapirib berardi. Biroz kattaroq bo‘lganimda tirnog‘imni o‘zim olishimni o‘rgatdi. Har tirnoq olganimda shularni eslab, haqiga duo qilib qo‘yaman.

Uchinchisi, otam nonushta qilmay uydan chiqishimga yo‘l qo‘ymasdi. Sog‘lom bo‘lishda ertalabki nonushtaning ahamiyatini keyin bilib oldim. Har nonushta qilganimda ham otamning haqqiga duo qilaman.

Ma’ruzalarimdan birida yig‘ilganlardan: «Farzandlaringizga har kuni qo‘llaydigan uchta ajoyib odatingiz bormi?» deb so‘radim. Bir ota dedi: «Ishga ketishimdan oldin ularni o‘pib qo‘yaman, asr namozini o‘qib bo‘lgach, ularing har biri uchun duo qilaman, uyquga yotishlaridan oldin ularni bag‘rimga bosaman».

Siz ham o‘zingizdan so‘rab ko‘ring-chi, otangiz yoki onangiz siz uchun bajaradigan uchta eng yaxshi ishni eslay olasizmi? Yoki o‘zingiz bolangizga uchta yaxshi odatni o‘rgatyapsizmi?.. 

Abdulloh Muhammad Abdulmu’tiyning

"FARZAND TARBIYASIDA 700 SABOQ" kitobidan

Ibratli hikoyalar