Sayt test holatida ishlamoqda!
25 Fevral, 2025   |   26 Sha`bon, 1446

Toshkent shahri
Tong
05:46
Quyosh
07:04
Peshin
12:41
Asr
16:25
Shom
18:12
Xufton
19:25
Bismillah
25 Fevral, 2025, 26 Sha`bon, 1446

Davriy nashrlar targ'ibotida faol bo'lgan imom-xatiblar taqdirlanmoqda

24.12.2020   1508   3 min.
Davriy nashrlar targ'ibotida faol bo'lgan imom-xatiblar taqdirlanmoqda

Shu kunlarda O'zbekiston musulmonlari idorasining Qoraqalpog'iston Respublikasi, viloyatlar va Toshkent shahri vakilliklarida imom-xatiblari ishtirokida 2020 yilda qilingan ishlar, yutuq va kamchiliklarga bag'ishlangan sarhisob tadbirlari bo'lib o'tmoqda.

Ana shunday tadbirlar Namangan, Farg'ona, Buxoro, Toshkent viloyati, Sirdaryo, Jizzax, Samarqand viloyatlarida bo'lib o'tdi. Ularda O'zbekiston musulmonlari idorasi rahbar va xodimlari, “Shamsuddinxon Boboxonov” nashriyot matbaa ijodiy uyi vakillari qatnashdi.

Tadbirlarda so'zga chiqqanlar so'ngi yillarda diniy sohada amalga oshirilgan ishlar, yo'l qo'yilgan kamchiliklar tahlil qilindi, kelgusidagi dolzarb vazifalarga to'xtalib o'tishdi. Jumladan, viloyat bosh imom-xatiblarining yil yakuni bo'yicha hisobotlari tinglandi.

Ochiq muloqot shaklida o'tayotgan yig'ilishlarda diniy-ma'rifiy soha faoliyatini yanada takomillashtirish, masjidlar faoliyatini yaxshilashda imom-xatiblar kelgusida qilishi lozim bo'lgan ishlar ko'rib chiqilib, zaruriy tavsiyalar berildi.

Jumladan, imom-xatiblar faoliyati samaradorligini oshirish, yoshlar bilan ishlash, internet va ijtimoiy tarmoqlarda faollik ko'rsatish, Islomni aholiga keng etkazishda fidoiylik bilan xizmat qilish kabi qator ko'rsatma va topshiriqlar berildi. Pandemiya sabab yurtimizdagi masjidlar faoliyatini vaqtincha to'xtatgani, bu davrda imom-xatiblar xayriya ishlariga urg'u berishdi. Hozirda Respublikamizdagi barcha masjidlarda namozxonlarimiz karantin qoidalariga rioya qilgan holda ibodatlarini ado etayotgani ta'kidlandi. So'ngi yillar yangi masjidlar qurish va mavjudlarini ta'mirlash yillari bo'layotganini qayd etishdi. Imom-xatiblar bildirgan takliflar qo'llab-quvvatlandi.

Tadbirlar davomida 2020 yilda faol xizmat qilgan, chuqur bilimi, tajribasi, namunali xulqi, fidokorligi bilan Allohning baytiga, dinimizga sidqidildan xizmat qilib kelayotgan imom-xatib va noiblar turli yo'nalishlarda taqdirlandi.

Yig'ilishlar yakunida O'zbekiston musulmonlari idorasi huzuridagi “Shamsuddinxon Boboxonov” nashriyot matbaa ijodiy uyida nashr etilayotgan “Hidoyat”, “Mo'minalar” jurnallari va “Islom nuri” gazetalariga aholini obuna qilishda faollik ko'rsatgan imom-xatiblarga tashakkurnoma, faxriy yorliq va esdalik sovg'alar topshirildi. Imom-xatiblarning Alloh taoloning roziligi yo'lida din xizmatchisi sifatida qilayotgan solih amallari husni qabul bo'lishi, ularning kelgusidagi faoliyatiga kuch-quvvat so'rab, xayrli duolar qilindi.

O'zbekiston musulmonlari idorasi matbuot xizmati

O'zbekiston yangiliklari
Boshqa maqolalar
Maqolalar

"Ikkovlariga qanotingni pastlat" nima degani?

24.02.2025   3047   2 min.

Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.

 

عَنْ هِشَامِ بْنِ عُرْوَةَ، عَنْ أَبِيهِ، فِي قَوْلِ اللهِ تَعَالَى: ﮋﯓ ﯔ ﯕ ﯖ ﯗ ﯘﮊ، قَالَ: لَا تَمْتَنِعْ مِنْ شَيْءٍ أَرَادَاهُ.

Hishom ibn Urva otasidan rivoyat qiladi:

«Alloh taoloning «Ikkovlariga mehribonlik ila xokisorlik qanotingni pastlat», degan qavli haqida: «Ikkovi iroda qilgan biror narsadan bosh tortma», dedi».

Sharh: Ya’ni ota-onang sendan xohlagan hech bir narsadan bosh tortmagin. Nimani xohlasalar, «Xo‘p», deb qilib bergin. Faqat bu yerda oldingi qoida, ya’ni Allohga ma’siyat ish bo‘lmasligi shart qilinadi.

Alloh taoloning Isro surasidagi «Ikkovlariga mehribonlik ila xokisorlik qanotingni pastlat» (24-oyat) degan qavlidan mana shu ma’no kelib chiqar ekan.

Farzand ota-onaning huzurida o‘zini qanchalik xokisor tutsa, shunchalik yaxshi. U o‘z rahmatini xokisorlik ila ota-onasiga pastlatib, poyandoz qilsa ham oz. Shu bilan birga, doimo ularga Alloh taolodan rahm-shafqat tilab duo qilib turishi lozim.

Ota-onani hurmatlash, e’zozlash masalasida hech bir tuzum yoki tarbiya vositasi Islomga teng ham, yaqin ham kela olmaydi. Ota-onaning hurmati, farzand ustidagi haqqi to‘g‘risidagi oyatlar, hadislar, islomiy hikmatlar, musulmonlar hayotidagi tajribalar dunyo tarixida bu borada misli ko‘rilmagan oliymaqom narsalar ekanligi ma’lum va mashhurdir.

عَنْ هِشَامِ بْنِ عُرْوَةَ قَالَ: قَالَ لِي أَبِي: هَلْ تَدْرِي مَا قَوْلُهُ: ﮋﯓ ﯔ ﯕ ﯖ ﯗ ﯘﮊ؟ أَنْ لَا تَمْتَنِعَ مِنْ شَيْءٍ أَرَادَاهُ.

Hishom ibn Urvadan rivoyat qilinadi:

«Otam menga: «U Zot taoloning «Ikkovlariga mehribonlik ila xokisorlik qanotingni pastlat» degan qavli nima ekanini bilasanmi? «Ikkovlari iroda qilgan biror narsadan bosh tortma», dedi».

Sharh: Bu rivoyat ham o‘zidan oldingi rivoyatga juda o‘xshash bo‘lishiga qaramay, biz undan avvalgisida yo‘q ma’noni chiqarib olamiz. Bu rivoyatda nasihatni ota o‘z bolasiga qilmoqda. Ha, otalar bolalarini tarbiya qilishda Qur’oni Karim oyatlarini anglatishlari, ota-onani hurmatlash haqida o‘gitlar berishlari oldin o‘tgan azizlarimizning tutgan yo‘llari bo‘lgan. Biz bu borada ham ulardan o‘rnak olishimiz lozim.

«Yaxshilik va silai rahm» kitobi 1-juz.

Maqolalar