Sayt test holatida ishlamoqda!
29 Iyul, 2025   |   4 Safar, 1447

Toshkent shahri
Tong
03:41
Quyosh
05:15
Peshin
12:35
Asr
17:34
Shom
19:47
Xufton
21:14
Bismillah
29 Iyul, 2025, 4 Safar, 1447

Ramazon - Qur'on oyi: Voqea surasi fazilatlari

04.04.2024   2974   1 min.
Ramazon - Qur'on oyi: Voqea surasi fazilatlari

Bismillahir Rohmanir Rohiym

Voqea – qiyomat nomlaridan biri. Voqea surasida qiyomat qoim bo'lganda ro'y beradigan hodisalar bayon etilgan, oxiratda bandalar oladigan mukofotlari, jannat ne'matlari, do'zax ahlining azob-uqubatlari tafsiloti keltirilgan.

Ibn Asokir naql qilishicha, Abdulloh ibn Ma'sud roziyallohu anhu vafot etishi arafasida betob bo'lib qoldi. Usmon ibn Affon roziyallohu anhumo uni ko'rgani borib, hol-ahvol so'radi:

– Nimadan shikoyating bor?

– Gunohlarimdan.

– Nimani xohlaysan?

– Robbimning rahmatini.

– Senga tabib buyuraymi?

– Tabib (ya'ni, Alloh) meni betob qildi.

– U holda senga sovg'a-salom buyurtiraymi?

– Hojati yo'q.

– Senga kerak bo'lmasa, qizlaringga qoladi.

Ibn Mas'ud roziyallohu anhu bunga javoban bunday dedi:

– Qizlarim kambag'al bo'lib qolishlaridan qo'rqyapsanmi? Men ularga har kecha Voqea surasini o'qishni buyurganman. Chunki Rasululloh sollallohu alayhi vasallam: “Kim har kecha Voqea surasini o'qisa, zinhor qashshoqlikka uchramaydi”, deganlarini eshitganman.

Tunda Voqea surasini boshidan oxirigacha ixlos bilan o'qigan odam qashshoqlik ko'rmaydi: rizqi keng bo'ladi, kasb-koriga baraka kiradi. Tajribada sinab ko'rganlar buning haqiqat ekanini ta'kidlashgan.

Voqea surasi keng rizqqa sabab bo'lishi haqida bundan boshqa rivoyatlar ham bor. Jumladan, Anas ibn Molik roziyallohu anhudan rivoyat qilinadi. Rasululloh sollallohu alayhi vasallam: “Voqea boylik surasidir. Uni (o'zingiz) o'qing, farzandlaringizga ham o'rgating”, deganlar (Ibn Mardavayh rivoyati).

Boshqa maqolalar
Yangiliklar

Kavkaz musulmonlari rahbari O‘zbekistonning Bokudagi yangi elchixonasida bo‘ldi

28.07.2025   2621   1 min.
Kavkaz musulmonlari rahbari O‘zbekistonning Bokudagi yangi elchixonasida bo‘ldi

Kavkaz musulmonlari idorasi raisi Shayxulislom Ollohshukur Poshozoda boshchiligidagi delegatsiya O‘zbekistonning Boku shahrida yangi qurilib foydalanishga topshirilgan elchixonasiga tashrif buyurdi, deb xabar qilmoqda "Dunyo" AA muxbiri. 
 

Tashrif doirasida O‘zbekiston elchisi Baxrom Ashrafxonov va Kavkaz musulmonlari idorasi raisi Shayxulislom Ollohshukur Poshozoda o‘rtasida uchrashuv bo‘lib o‘tdi.

 

Muloqot chog‘ida Ozarbayjon Prezidenti Ilhom Aliyev va O‘zbekiston Prezidenti Shavkat Mirziyoyev o‘rtasida shakllangan yaqin do‘stlik va samimiy qardoshlik munosabatlari ikki davlat o‘rtasidagi ko‘p tomonlama hamkorlikni mustahkamlashga xizmat qilayotgani mamnuniyat bilan qayd etildi. Mamlakatlarimiz rahbarlarining Bokudagi yangi elchixona binosining ochilish marosimida ishtirok etishi davlatlararo yaqin aloqalar ramzi sifatida muhimligi alohida ta’kidlandi.

 

O‘zbekiston Prezidenti Shavkat Mirziyoyev tavallud kuni munosabati bilan Shayxulislom Ollohshukur Poshozoda o‘zining tabrik maktubi topshirdi.

 

Kavkaz musulmonlari idorasi raisi o‘z tabrigida Prezident Shavkat Mirziyoyevning mamlakatimiz ravnaqi, uning xalqaro nufuzini mustahkamlash, O‘zbekiston bilan Ozarbayjon o‘rtasida barqaror, ishonchli va qardoshlik munosabatlarini shakllantirishdagi beqiyos rolini alohida ta’kidladi. Davlatimiz rahbarining uzoqni ko‘zlagan siyosati tufayli O‘zbekiston ishonch bilan rivojlanib, mamlakatlarimiz o‘rtasidagi ikki tomonlama munosabatlar ittifoqchilik darajasiga ko‘tarildi.

 

Elchixonaning yangi binosi bilan tanishgan Shayxulislom Ollohshukur Poshozoda diplomatik missiya xodimlariga ezgu tilaklarini bildirdi.

 

Kavkaz musulmonlari idorasi raisi, shuningdek, elchixonaning Faxriy mehmonlar kitobiga samimiy tilaklarini yozib qoldirdi. 

"Dunyo" AA

 

Dunyo yangiliklari