Sayt test holatida ishlamoqda!
13 Noyabr, 2025   |   22 Jumadul avval, 1447
search icon
Avvalgi sayt
ЎЗ РУ EN AR

Toshkent shahri
Tong
05:47
Quyosh
07:09
Peshin
12:12
Asr
15:24
Shom
17:09
Xufton
18:25
Bismillah
13 Noyabr, 2025, 22 Jumadul avval, 1447
Avvalgi sayt
#search
 YouTube

Moskvada O'zbekistonda diniy ziyorat turizmini rivojlantirish masalasi muhokama qilindi

26.11.2020   2253   2 min.
Moskvada O'zbekistonda diniy ziyorat turizmini rivojlantirish masalasi muhokama qilindi

Rossiya muftiylar kengashi raisining birinchi o'rinbosari, Rossiya Musulmonlar diniy idorasi raisi o'rinbosari Rushan Abbyasov O'zbekiston Respublikasi elchixonasi maslahatchisi Alisher Ziyomuhamedov bilan uchrashdi. Uchrashuvda xalqaro departament boshlig'i Ildar Galeev, Rossiya muftiylar kengashi va Rossiya Musulmonlar diniy idorasi «Muslim Tur» rasmiy haj-operator direktori Ali Hoji Gurdin va O'zbekistonning Rossiyadagi elchixonasi iqtisodiy ishlar bo'yicha uchinchi kotibi Azamat Raimov ishtirok etdi.
Uchrashuv chog'ida Rushan Abbyasov Rossiya Muftiylar Kengashi raisi va Rossiya Musulmonlar diniy idorasi raisi muftiy Shayx Ravil' G'aynutdin nomidan O'zbekistonning Rossiyadagi Favqulodda va Muxtor elchisiga tabrigini etkazdi. Rossiya muftiylar kengashi raisining birinchi o'rinbosari, Rossiya Musulmonlar diniy idorasi raisi o'rinbosari elchixonaning pandemiya paytida o'zbek vatandoshlariga ko'rsatgan yordami va qo'llab-quvvatlovi uchun minnatdorchilik bildirdi. Rushan Abbyasovga ko'ra, bahorda o'tkir koronavirus pandemiyasi paytida musulmon tashkilotlarimizga o'zbekistonlik muhojirlar bir necha bor murojaat qilishgan. Faqat birgalikdagi sa'y-harakatlar orqali bir qator masalalar, jumladan, ularning Vatanga qaytishi hal etildi.
O'z navbatida, Alisher Ziyomuhamedov ham mana shunday og'ir davrda yordam ko'rsatgani uchun Rossiya Muftiylar Kengashi raisi va Rossiya Musulmonlar diniy idorasiga minnatdorchilik bildirdi.
Rossiya Muftiylar Kengashi rasmiy saytining yozishicha, tomonlar O'zbekistonda kelasi yilga epidemiologik vaziyat tufayli qoldirilgan "Ma'naviy ipak yo'li" ilmiy-amaliy anjumanini o'tkazish rejalarini muhokama qilishdi. Yig'ilish kun tartibidagi mavzulardan biri O'zbekistonda diniy ziyorat turizmni rivojlantirish bo'ldi.
Uchrashuv yakunida tomonlar o'zbek diasporasi bilan yaqin aloqada bo'lish zarurligini aytib, bundan keyin ham samarali hamkorlik haqida kelishib oldilar. Rushan Abbyasov mehmonlarga esdalik sovg'alari, jumladan, «Chitay» nashriyot uyi kitoblarini taqdim etdi.

O'zbekiston musulmonlari idorasi matbuot xizmati

O'zbekiston yangiliklari
Boshqa maqolalar

Muftiy hazratlari esdalik nishoni bilan taqdirlandilar

12.11.2025   3821   1 min.
Muftiy hazratlari esdalik nishoni bilan taqdirlandilar

Bugun, 12 noyabr kuni O‘zbekiston musulmonlari idorasi  raisi, muftiy Shayx Nuriddin Xoliqnazar hazratlari “O‘zbekiston kasaba uyushmalarining 120 yilligi” esdalik ko‘krak nishoni bilan taqdirlandilar. Diniy idorada bo‘lib o‘tgan tadbirda nishonni Tadbirkorlik, biznes va xizmat ko‘rsatish sohalari xodimlari kasaba uyushmasi Respublika kengashi raisi Ulug‘bek Muhamedov topshirdi.

Ulug‘bek Muhamedov o‘z so‘zida davlatimiz Rahbari tashabbuslari asosida olib borilayotgan yangilanishlar va inson qadrini yuksaltirishdagi sa’y-harakatlarga hamohang tarzda sakkiz millionlik a’zosi bo‘lgan O‘zbekiston kasaba uyushmalari Federatsiyasi ham samarali faoliyat olib borayotganini aytib o‘tdi. Ayni paytda, bu ishlarda diniy soha xodimlari ham faol ishtirok etayotgani davlat miqyosida e’tirof qilinayotgani, Muftiy hazratlari boshchiligida keyingi yillarda amalga oshirilgan keng ko‘lamli ishlar e’tirofining ramziy ifodasi o‘laroq O‘zbekiston kasaba uyushmalari Federatsiyasi ham ushbu esdalik nishonni taqdim etayotganini ta’kidladi.

Tadbirda so‘zga chiqqan O‘zbekiston musulmonlari idorasi raisining birinchi o‘rinbosari Homidjon domla Ishmatbekov Muftiy hazratlarini esdalik nishoni va barchani kasaba uyushmasi xodimlari bayrami bilan qutladi. Shuningdek, diniy jabhaga ko‘rsatilayotgan bunday e’tibor va e’tiroflarga javoban har bir soha xodimi yanada mas’uliyat va shijoat bilan ishlashi, millat va din ravnaqi yo‘lida fidoyilik ko‘rsatishi kerakligini eslatib o‘tdi. 

Eslatib o‘tamiz, “O‘zbekiston kasaba uyushmalarining 120 yilligi” esdalik ko‘krak nishoni aholi farovonligini yuksaltirishga qaratilgan ustuvor vazifa va dasturlar ijrosini ta’minlashda jonbozlik ko‘rsatgan, yosh avlodni Vatanga muhabbat, milliy va umuminsoniy qadriyatlarga hurmat ruhida tarbiyalash yo‘lida ibratli faoliyat olib borayotganlarga taqdim etiladi. 

O‘zbekiston musulmonlari idorasi Matbuot xizmati

Muftiy hazratlari esdalik nishoni bilan taqdirlandilar Muftiy hazratlari esdalik nishoni bilan taqdirlandilar Muftiy hazratlari esdalik nishoni bilan taqdirlandilar Muftiy hazratlari esdalik nishoni bilan taqdirlandilar Muftiy hazratlari esdalik nishoni bilan taqdirlandilar Muftiy hazratlari esdalik nishoni bilan taqdirlandilar Muftiy hazratlari esdalik nishoni bilan taqdirlandilar Muftiy hazratlari esdalik nishoni bilan taqdirlandilar