— Yoshim 30 dan oshdi, biroq hali turmushga chiqmadim. Qayerga borsam, kim bilan suhbatlashsam, sizni odamlaringiz bor, yo'lingizni to'sib turibdi, deyishadi. Bunday hollarda dinimizda qanday yo'l tutiladi?
— Odamlari bor, yo'li to'silgan degan gaplar bid'at, xurofot bo'lib, shariatda asosi yo'qdir. Bir kishining oila qurishi ortga surilishi Alloh taoloning qazoi qadari bilan bo'ladi. Inson doim Allohga duo qilib, yaxshi turmush o'rtoqni ro'para qilishini so'rab, ibodatlarda bardavom bo'lsa ham istig'forni ko'p aytsa, Allohning izni bilan ishi o'ngidan keladi. Zero, hadisi shariflardan birida Alloh taolo istig'forni ko'p aytgan kishining muammolarini aritib, mushkullarini oson qilib, unga o'zi o'ylamagan tomondan rizq berishi aytilgan.
Muhammad Ayyub HOMIDOV
Hishom ibn Hasan Hasan Basriy rahimahullohga dedi: “Men Qur’onni o‘rganaman, bu vaqtda onam meni kechki ovqatga kutib o‘tiradilar”, dedi.
Hasan Basriy rahimahulloh unga: “Sen onang bilan ovqatlanib uning ko‘zini quvnatishing, mening nazdimda nafl haj qilganingdan ko‘ra suyukliroqdir!” dedi.
Ibn Javziyning “Birrul validayn” asaridan.