Sayt test holatida ishlamoqda!
13 Iyun, 2025   |   17 Zulhijja, 1446

Toshkent shahri
Tong
03:04
Quyosh
04:49
Peshin
12:28
Asr
17:38
Shom
20:00
Xufton
21:38
Bismillah
13 Iyun, 2025, 17 Zulhijja, 1446

Ispan nashri: Nima uchun O'zbekiston sizning sayohatlaringiz ro'yxatida bo'lishi kerak?

27.10.2023   1307   3 min.
Ispan nashri: Nima uchun O'zbekiston sizning sayohatlaringiz ro'yxatida bo'lishi kerak?

Ispan tilidagi eng yirik «El Mundo» xalqaro gazetasida «Ipak yo'li va Samarqand sehri. Nima uchun O'zbekiston sizning sayohatlaringiz ro'yxatida bo'lishi kerak?» sarlavhali maqola chop etildi, deb xabar bermoqda «Dunyo» AA muxbiri.

«Ushbu Markaziy Osiyo mamlakati mozaika bilan qoplangan ajoyib masjidlari va Ipak yo'li tarixi bilan ko'plab sayohatchilarni o'ziga jalb qilib kelmoqda, - deyiladi maqolada. - Biz boshqa hech kimga o'xshamaydigan marshrutlarni qidirayotganlar uchun O'zbekistonning betakror tarixiy shaharlari haqidagi muhim ma'lumotlarni ilindik».

Muallifga ko'ra, mehmondo'st va takrorlanmas O'zbekiston madaniyati, tarixi va go'zal tabiati bilan juda mashhur. O'zbekistonga sayohat ochilmagan joylarni kashf qilishni va yangi sarguzashtlarni boshdan kechirishni istagan turistlar uchun ajoyib imkoniyat.

«O'zbekistonning poytaxti Toshkent mamlakat tarixining jonli guvohi. Qadimgi Ipak yo'lining muhim nuqtasi bo'lgan ushbu ajoyib shahar o'z ko'chalarida Osiyo va Yevropa madaniyatini uyg'unlashtirgan. Uning ta'sirchan arxitekturasi va boy tarixi sizni o'tmishga sayohat qilishga chorlaydi», - qayd etgan nashr muxbiri.

Ispan gazetasi Samarqand shahrini turizm marvaridi sifatida baholagan. «Afsonalari bilan mashhur bu shahar O'zbekiston durdonasidir. YuNYeSKOning Jahon merosi ro'yxatiga kiritilgan va 2700 yildan ortiq tarixga ega bo'lgan uning maftunkor islom me'morchiligi qadim kentning tarixiy ildizlaridan darak beradi, - deb yozgan nashr. - Bibixonim masjidi bo'ylab sayr qilish va to'liq koshinlar bilan qoplangan 35 metrlik mahobatli fasadga ega ushbu tarixiy bino shahardagi diqqatga sazovor joydir. Bundan tashqari, Afrosiyob muzeyiga tashrif buyurib, shahar tarixi bilan tanishishingiz yoki Registon maydonining ulug'vorligiga qoyil qolishingiz mumkin. Bu erdagi har bir koshin o'tmishdan so'zlaydi».

Maqolada 2500 yillik tarixga ega qadimiy Buxoro shahri haqidagi ma'lumotlar mushtariylar e'tiboriga havola qilingan. «She'riyat va ertaklar shahri deb ataladigan Buxoro tarixiy binolari bilan «osmon ostidagi muzey» hisoblanadi. Shaharning masjid, madrasa va maqbaralari O'zbekistonning boy madaniy merosidan darak beradi. Shaharda 140 dan ortiq arxitektura yodgorliklari mavjud», - deb ta'kidlagan gazeta.

«El Mundo»da bosilgan maqolada qalamga olingan Hiva shahri haqidagi muhim ma'lumotlar ham tarixiy joylarga sayohat qilishni xush ko'radiganlarni befarq qoldirmasligi aniq.

Nashrda qayd etilganidek, hududida haqiqiy o'rta asr qal'asi joylashgan yagona shahar - bu Ichan-qal'adir. «G'arbiy O'zbekistondagi ushbu kichik shaharcha an'anaviy arxitekturaning haqiqiy namunasi hisoblanadi. YuNYeSKOning Butunjahon merosi ro'yxatiga kiritilgan eski shahar sizni O'zbekistonning, ehtimol, har bir go'shasida saqlanib qolgan boy tarix bilan tanishishga chorlaydi», - deb yozgan «El Mundo»da.

O'zbekiston musulmonlari idorasi
Matbuot xizmati

Dunyo yangiliklari
Boshqa maqolalar

“Moturidiylik” jurnalining maxsus soni uchun maqolalar qabul qilinadi

02.06.2025   5631   1 min.
“Moturidiylik” jurnalining maxsus soni uchun maqolalar qabul qilinadi

 

Imom Moturidiĭ xalqaro ilmiĭ-tadqiqot markazi tomonidan imom-xatiblar, mudarrislar, oliĭ va ŭrta maxsus diniĭ ta’lim muassasalari ŭqituvchilari va tadqiqotchilari uchun “Moturidiylik” jurnalining maxsus sonini nashr qilish rejalashtirilmoqda. Maxsus sonni taĭërlashdan maqsad – diniĭ soha xodimlarining ilmiĭ salohiyati va malakasini yanada oshirish, islomshunoslik sohasidagi ilmiĭ tadqiqotlarini qŭllab-quvvatlashga qaratilgan.

“Moturidiylik” respublikaning islomshunoslik sohasidagi yetakchi ilmiĭ nashrlaridan biri bŭlib, Oliĭ attestatsiya komissiyasi tomonidan ilmiĭ tadqiqotlarning asosiĭ ilmiĭ natijalarini chop etishga tavsiya etilgan. Ya’ni, “Moturidiylik” jurnalida chop etilgan maqolalar respublika miqësida mustaqil ilmiĭ tadqiqot sifatida tan olinadi va ilmiĭ ish olib borayëtgan tadqiqotchilarga qŭĭilgan maqola talablarini bajarishda tŭliq e’tirof etiladi.


JURNALNING MAXSUS SONIGA MAQOLALAR QUYIDAGI YO‘NALISHLAR BO‘YICHA QABUL QILINADI:

- Imom Moturidiy va yurtimizdan yetishib chiqqan allomalarning hayoti va merosi.

- Jaholatga qarshi ma’rifat, yot oqimlarning soxta da’volariga qarshi ilmiy raddiyalar, jamiyatda diniy bag‘rikenglik, millatlararo totuvlikni mustahkamlash masalalari.

- Dinshunoslik, islomshunoslik, Islom huquqi, Islom tarixi, Islom falsafasi, manbashunoslikka oid ilmiy tadqiqotlar natijalari.

- Madaniyat, madaniyatshunoslik va madaniyat tarixi.


Jurnalga taqdim qilinayëtgan material ushbu ĭŭnalish bilan cheklanib qolmaĭ, diniĭ, ma’naviĭ-ma’rifiĭ, ilmiĭ va adabiĭ merosimizning bugungi hayëtimizda egallagan ŭrni va ahamiyatini kŭrsatishga qaratilgan bŭlishi ham e’tiborga olinadi.


Tahririyat manzili: 100011, Toshkent shahri, Shaĭxontoxur tumani, A.Qodiriĭ kŭchasi, 11-uĭ, Imom Moturidiĭ xalqaro ilmiĭ-tadqiqot markazi.

Murojaat uchun: t.me/zarifjon0203