#mustaqillik_xayriya_tadbiri

Mustaqilligimizning 34 yilligi munosabati bilan Urgut tumanida keng qamrovli xayrli tadbir bo‘lib o‘tdi. Homiylar ko‘magida 194 nafar bolajonga yangi o‘quv yili arafasida maktab formalari topshirildi.

Marosimda O‘zbekiston musulmonlari idorasi raisi o‘rinbosari Zayniddin domla Eshonqulov, Samarqand viloyati bosh imom-xatibi Ahmadxon domla Alimov, Urgut tuman bosh imom-xatibi Abdug‘ani domla Hasanov hamda tuman hokimligi vakillari ishtirok etdi.
 

Shuningdek, homiylar va tuman hokimligi hamkorligida 20 nafar bolajonning sunnat to‘yi ham tashkil etildi.

Tadbir ishtirokchilari bu ezgu ishlar yurtimizdagi saxovat va g‘amxo‘rlik an’analarining yorqin namunasi ekanini ta’kidladi.

“Vatan uchun, millat uchun, xalq uchun” shiori ostida o‘tkazilgan tadbir bolajonlar qalbiga quvonch, yurtdoshlarimiz qalbiga iftixor bag‘ishladi.

O‘zbekiston musulmonlari idorasi

Samarqand viloyati vakilligi

Matbuot xizmati