Bugungi brifingda O'zbekiston musulmonlari idorasi huzuridagi “Vaqf” xayriya jamoat fondi tomonidan 2018-2023 yillar davomida mamlakatimizda faoliyat yuritayotgan masjidlar va fondga biriktirilganziyoratgohlar xodimlarini moddiy va ijtimoiy qo'llab-quvvatlash borasida amalga oshirilgan xayriya ishlari haqida axborot berib o'tamiz!
Ma'lumki, “Vaqf” fondi 2018 yil 16 aprelda muhtaram Prezidentimizning Farmonlari asosida tashkil etilgan vaqtda, masjidlar va fondga biriktirilgan ziyoratgohlarda faoliyat olib borayotgan xodimlarni moddiy va ijtimoiy qo'llab-quvvatlash fondning asosiy vazifalaridan biri sifatida belgilangan edi.
O'tgan yillar mobaynida Fond tomonidan mazkur vazifalarni bajarish uchun salmoqli ishlar amalga oshirildi.
Jumladan, O'zbekiston musulmonlari idorasi tasarrufidagi masjidlarda faoliyat olib borayotgan imom-xatiblar, noib-imomlar, mutavallilar, muazzinlar va ziyoratgohlar xodimlari uchun:
– 2018 yilda 38 million so'm;
– 2019 yilda 3 milliard 670 million so'm;
– 2020 yilda 39 milliard 225 million so'm;
– 2021 yilda 30 milliard 614 million so'm;
– 2022 yilda 21 milliard 83 million so'm;
– 2023 yilning o'tgan 9 oyi davomida 17 milliard 122 million so'm;
Shundan, tibbiy muolaja, farzandlarining o'quv shartnoma to'lovlari, uyi yongan va boshqa zaruriy holatlar yuzasidan fondga murojaat qilganmasjidlar va fondga biriktirilgan ziyoratgohlar xodimlariga:
– 2018 yilda 10 million 107 ming so'm;
– 2019 yilda 161 million 125 ming so'm;
– 2020 yilda 144 million 265 ming so'm;
– 2021 yilda 53 million 700 ming so'm;
– 2022 yilda 546 million 700 ming so'm;
– 2023 yilning o'tgan 9 oyi davomida 560 million so'm;
Jami, 1 milliard 475 million 897 ming so'm mablag'lar xayriya sifatida taqdim etilgan.
Umumiy hisobda fond tashkil topgandan bugunga qadar, 111 milliard 751 million so'mdan ziyod mablag', masjidlar va fondga biriktirilgan ziyoratgohlar xodimlarini moddiy qo'llab-quvvatlash maqsadida sarflangan bo'lib, kelgusida bu yo'nalishda yanada keng ko'lamli xayriya loyihalarini amalga oshirishni rejalashtirganmiz.
Shuningdek, o'tgan davr mobaynida yurtimiz bo'ylab fondning hududiy filiallari tomonidan «Bolalar kuni», «Ramazon hayiti» va «Qurbon hayiti» bayramlari munosabati bilan masjid va ziyoratgohlar xodimlarining farzandlari uchunhomiylarni jalb qilgan holda katta bayram tadbirlari muntazam ravishda tashkil etilib, bolajonlarga sovg'alar ulashilib kelinmoqda.
So'zim so'nggida ta'kidlab o'tmoqchimanki, “Vaqf” fondi o'z faoliyatini takomillashtirish borasidagi takliflarni mamnuniyat ila qabul qiladi va saxovatpesha hamyurtlarimizni yaxshilik yo'lida hamkorlikka chorlab qoladi.
Saidabror Umarov,
"VAQF" xayriya jamoat fondi Matbuot xizmati rahbari
Iymon 
Namoz 
Ro'za 
Zakot 
Haj 
Qur'on 
Islom saboqlari 
Aloqa 
