Sayt test holatida ishlamoqda!
09 Fevral, 2025   |   10 Sha`bon, 1446
search icon
Avvalgi sayt
ЎЗ РУ EN AR

Toshkent shahri
Tong
06:06
Quyosh
07:26
Peshin
12:42
Asr
16:07
Shom
17:52
Xufton
19:07
Bismillah
09 Fevral, 2025, 10 Sha`bon, 1446
Avvalgi sayt
#search
 YouTube

O'zbekiston qadimiy yodgorliklari va boy madaniy xilma-xilligi bilan «tarix xazinasi»ga aylangan — «Al'-Anba'» nashri

28.10.2020   1948   2 min.
O'zbekiston qadimiy yodgorliklari va boy madaniy xilma-xilligi bilan «tarix xazinasi»ga aylangan — «Al'-Anba'» nashri

Kuvaytning kundalik «Al'-Anba'» gazetasining navbatdagi sonida «O'zbekiston: geografiya va tarixning ulug'vorligi» sarlavhasi ostida maqola chop etildi, deb xabar bermoqda «Dunyo» axborot agentligi muxbiri.
Maqolada O'zbekistonning ulkan sayyohlik salohiyati, qadimiy tarixga ega yodgorliklari, go'zal tabiati va rang-barang madaniy xilma-xilligi targ'ib qilinadi, unining dunyo sayohatchilari uchun unutilmas va jozibali manzil ekani ta'kidlanadi.
«Asrlar davomida Buyuk ipak yo'li orqali savdo-sotiq aloqalari hozirgi O'zbekiston hududi orqali amalga oshirildi. O'zbekistonning o'ziga xos geografik joylashuvi esa uning madaniyatlar chorrahasi, savdo munosabatlari bilan birga, ilm-ma'rifat, urf-odatlar, moddiy va nomoddiy qadriyatlar beshigiga aylanishiga imkon berdi», deb yozadi maqola muallifi.
Maqolada O'zbekistonga sayohat qilgan inson taniqli olimlar va mutafakkirlar —Imom Buxoriy, Imom Termiziy, Ibn Sino, Al-Horazmiy kabi buyuk allomalar yashagan Samarqand, Toshkent, Buxoro va Horazm singari mashhur shaharlar bilan yaqindan tanishishi, tarixiy muhit bilan hamohang bo'lib ularni o'rganishi mumkinligi ta'kidlangan.
Nashrda O'zbekiston o'zining qadimiy yodgorliklari va boy madaniy xilma-xilligi sabab «tarix xazina»ga qiyoslanadi. Mamlakatdagi ko'plab me'moriy yodgorliklar YuNESKOning Butunjahon merosi ro'yxatiga kiritilgani qayd etiladi.
«Tarixiy binolar bugungi kunda yaxshi saqlangan va insoniyat madaniy merosida katta ahamiyatga ega» deydi muallif.
Maqolada, nashr mushtariylariga, shuningdek, Samarqand, Buxoro, Horazm, Shahrisabz va Toshkent shaharlaridagi me'moriy yodgorliklar, tarixiy ziyoratgohlar haqida ma'lumotlar beriladi.
Maqola so'ngida «Mamlakatda tashkil etiladigan turli tadbirlar, mahalliy aholining mehmondo'stligi va sayyohlarga munosabati O'zbekistonga sayohatning unutilmas taassurotlarga boy bo'lishini ta'minlaydi» deya xulosa qilinadi.

O'zbekiston musulmonlari idorasi matbuot xizmati

O'zbekiston yangiliklari
Boshqa maqolalar

Jigarni quritadigan ichimlik

7.02.2025   4155   1 min.
Jigarni quritadigan ichimlik

So‘nggi paytlarda yoshlar orasida energetik ichimliklar ichish odat tusiga kirdi. Shifokorlar tetiklashtiruvchi bunday ichimlik­larni sog‘lik uchun juda xavfli ekanini ta’­kidlashmoqda.

Energetik ichimliklar 1960 yili Yapo­niyada tibbiyotda dori vositasi sifatida kashf qilingan. Dastlab inson salomatligi uchun zararsiz deb hisoblangan ichimlik asta-sekin ommalashib, tijoratga aylanib ketdi. So‘ngra uning tarkibiga bir qancha kimyoviy moddalar qo‘shildi.

2014 yilga kelib Jahon sog‘liqni saq­lash tashkiloti dunyoda voyaga yetmagan o‘s­mirlarning energetik ichimlikni ko‘p is­te’mol qilishi xavfli ekanini e’lon qildi. Shu sababdan ko‘p mamlakatlarda bu ichimlikka taqiq qo‘yildi.

Salomatlik uchun aso­siy xavflar shakar va ko­fein miqdorining yuqori­ligidir. Energetik­larda esa, kofein 100 ml uchun 30–50 mg bo‘ladi. Ba’zilarida 100 mggacha oshishi mumkin. Bu oddiy qahva (12 mg)dan 8 baravar ko‘p. Energetik ichimliklarni muntazam iste’mol qilish tushkunlikka tushish ehtimolini oshiradi.

“Energetik ichimliklarni muntazam ra­vishda iste’mol qilish yurak xurujini oshiradi, asab tizimini susaytiradi va giyohvandlikka olib kelishi mumkin. Bundan tashqari, qon bosimini ko‘tarish xavfi bor. Masalan, bitta idishdagi energetik ichimlikda 27 choy qoshiq shakar bor. Agar siz bu ichimliklarni ichsangiz, kelajakda qandli diabet va boshqa og‘ir kasalliklarga duch kelishingiz muqarrar”, deydi mutaxassislar.

Ayrim ishlab chiqaruvchilar bu ichimliklarga hayvonlar aminokislotalariga o‘xshash bo‘lgan taurin moddasini qo‘shadi. Bu modda yurak mushaklarining ishlash jarayonini tezlashtiradi.

Energetik ichimliklar tarkibida shakar miqdori me’yoridan ancha yuqori. Shu bois bir shisha energetik ichimlik ichgan kishi jigari qattiq zo‘riqadi. Energetik ichimliklarni muntazam ichish jigar qu­rishiga olib keladi.