Ayni kunlarda alohida reja asosida Qoraqalpog'iston Respublikasi, viloyatlar va Toshkent shahar imom-xatiblarining imom-xatiblarning bilim saviyasini oshirish, yurtimizda olib borilayotgan keng ko'lamli islohotlar, yaratuvchilik va bunyodkorlik  ishlaridan yaqindan xabardor etish maqsadida joylardagi diniy-ma'rifiy markazlarda tashrifi tashkil etilmoqda.

Joriy yilning 21 oktyabr kuni Qoraqalpog'iston Respublikasining bir guruh imom-xatiblari Imom Buxoriy xalqaro ilmiy tadqiqot markazi hamda Hadis ilmi maktabiga tashrif buyurdi.

Tashrif avvalida imom-xatiblar ishtirokida o'quv-seminar tashkil etilib, unda Maktab rektori O.Yusupov tomonidan Imom Buxoriyning hadis ilmiga qo'shgan hissasi va hozirgi kundagi ahamiyati mavzularida ma'ruza qilindi.

Shundan so'ng, mehmonlarga Hadis ilmi maktabida o'qituvchi va talabalar uchun davlatimiz rahbari tashabbuslari bilan yaratib berilgan shart-sharoitlar bilan tanishtirish asnosida ushbu oliygohning tashkil etilish maqsadlari va kedajakda kutilayotgan natijalar, o'qitishdagi o'ziga xos xususiyatlari to'g'risida ma'lumot berildi.

Tashrif yakunida Qoraqalpog'iston Respublikasi imom-xatiblari yurtimizda olib borilayotgan diniy-ma'rifiy islohotlarning mazmum-mohiyatini yanada kengroq anglagan holda ushbu islohotlarning boshidan turgan yurtboshimiz hamda Hadis ilmi maktabi faoliyati haqiga Alloh taolodan madad so'rab duoi xayr qildilar.

 Hadis ilmi maktabi
Matbuot xizmati