Sayt test holatida ishlamoqda!
18 Mart, 2025   |   18 Ramazon, 1446

Toshkent shahri
Tong
05:12
Quyosh
06:30
Peshin
12:36
Asr
16:45
Shom
18:36
Xufton
19:49
Bismillah
18 Mart, 2025, 18 Ramazon, 1446

Yuz yoshdan oshgan yurtdoshlarimiz qaysi hududda ko'proq?

13.10.2020   1904   2 min.
Yuz yoshdan oshgan yurtdoshlarimiz qaysi hududda ko'proq?

Mamlakatimizda 794 nafar 100 yoshdan oshgan pensiya va nafaqa oluvchi bor.

Joriy yil 1 oktyabr' holatiga, Moliya vazirligi huzuridagi byudjetdan tashqari Pensiya jamg'armasining hududiy tuman (shahar) bo'limlari hisobida turib, pensiya va nafaqa olayotgan 100 yoshga to'lgan va 100 yoshdan oshganlar soni 794 nafarni tashkil qiladi.

Shundan, 131 nafari (16,5 foiz) erkak va 663 nafar (83,5 foiz) ayol.

100 yoshga to'lgan va 100 yoshdan katta yoshdagilar soni Qashqadaryo viloyatida 143 nafar (18 foiz), Surxondaryo viloyatida 120 nafar (15,1 foiz), Samarqand viloyatida 78 nafar (9,8 foiz), Farg'ona viloyatida 76 nafar (9,6 foiz), Toshkent viloyatida 64 nafar (8,1 foiz), Namangan viloyatida 59 nafar (7,4 foiz), Andijon viloyatida 56 nafar (7,1 foiz), Buxoro viloyatida 37 nafar (4,7 foiz), Horazm viloyatida 36 nafar (4,5 foiz), Jizzax viloyatida 31 nafar (3,9 foiz), Navoiy viloyatida 27 nafar (3,4 foiz), Toshkent shahrida 25 nafar (3,1 foiz), Qoraqalpog'iston Respublikasida 23 nafar (2,9 foiz) va Sirdaryo viloyatida 19 nafar (2,4 foiz)ni tashkil qiladi.

Pensiya jamg'armasi matbuot xizmati xabariga ko'ra, 2020 yilning yanvar'-sentyabr' oylarida 383 nafar pensiya va nafaqa oluvchi 100 yoshga to'ldi. Ularning 70 nafari (18,3 foiz) erkak va 313 nafari (81,7 foiz) ayollardir.

O'zA

O'zbekiston yangiliklari
Boshqa maqolalar

Sahobalar tarovehni nechi rakat o‘qishardi?

17.03.2025   1880   2 min.
Sahobalar tarovehni nechi rakat o‘qishardi?

Ramazon oyida xufton namozidan so‘ng ado qilinadigan taroveh namozi sunnati muakkadadir. Erkaklar masjidda jamoat bilan o‘qisa, ayollar uyida ado qiladi. Ba’zi fuqaholar: «Payg‘ambarimiz sollallohu alayhi vasallam hadisda aytgan Ramazondagi tungi ibodatdan maqsad taroveh namozidir», deyishgan.

Taroveh namozi yigirma rakatdir. Ushbu yigirma rakatni o‘nta salom va beshta tarviha (dam olish)da ado qilinadi. Har ikki salomdan so‘ng dam olinadi.

To‘rt mazhab ulamolari tarovehning yigirma rakat ekanligiga bu hadislarni dalil qilishgan: Soib ibn Yazid roziyallohu anhudan rivoyat qilinadi: «Umar roziyallohu anhuning davrlarida Ramazon oyida sahobalar tarovehni yigirma rakat o‘qishardi» (Imom Bayhaqiy rivoyati).

Abdulaziz ibn Rofe’ roziyallohu anhudan rivoyat qilinadi: «Madinada Ubay ibn Ka’b Ramazon oyida odamlarga yigirma rakat (taroveh) namozini o‘qib berardi va vitrni uch rakat o‘qirdi».

Ibn Qudoma rahmatullohi alayh «Mug‘niy» nomli kitoblarida taroveh namozini yigirma rakatligiga ijmo qilinganini keltiradi va Imom Molikning «Taroveh o‘ttiz olti rakatdir», degan so‘zlariga raddiya sifatida bunday yozadi: «Ramazon oyida qoim bo‘lib o‘qiladigan taroveh namozi yigirma rakatdir. Ushbu namozni birinchi o‘qigan odam Payg‘ambarimiz sollallohu alayhi vasallamdirlar. Ushbu namozni Umar roziyallohu anhu joriy qilgan, deyilishining sababi esa, u kishi Ubay ibn Ka’bni imom qilib, bu namozni jamoat bo‘lib o‘qishni joriy qilgan birinchi shaxs hisoblanadilar.

Ali roziyallohu anhu xalifalik davrlarida Ramazon oyida masjidlar oldidan o‘tib ketayotganlarida ularning shamchiroqlar ila yoritilganini ko‘rib: «Bizning masjidlarimizni yoritgan Umarning qabrini Alloh yoritsin», deb duo qilganlar. (Ya’ni Umar (roziyallohu anhu)ning qilgan ishlarini ma’qullaganlar.)»1

Misr, Mag‘rib, Liviya, Quvayt, Qatar, Suriya, Pokiston, Hindiston kabi o‘lkalardagi deyarli barcha masjidlarda taroveh namozini yigirma rakat o‘qishadi.

Yuqorida aytib o‘tilgan ma’lumotlardan yer yuzidagi barcha musulmonlar tarovehni yigirma rakat o‘qishlari ayon bo‘ladi. Payg‘ambarimiz sollallohu alayhi vasallam o‘zlarining muborak hadislarida: «Mening ummatim zalolatda jamlanmaydi», deganlar. Demak, tarovehni yigirma rakat o‘qish sunnat hisoblanadi.

Odilxon qori YUNUSXON o‘g‘li

1 Ibn Qudoma. “Mug‘niy fi fiqhil Hanbaliy”. 2-juz. 167-bet.