Sayt test holatida ishlamoqda!
25 Dekabr, 2024   |   24 Jumadul soni, 1446
search icon
Avvalgi sayt
ЎЗ РУ EN AR

Toshkent shahri
Tong
06:22
Quyosh
07:47
Peshin
12:28
Asr
15:18
Shom
17:02
Xufton
18:22
Bismillah
25 Dekabr, 2024, 24 Jumadul soni, 1446
Avvalgi sayt
#search
 YouTube

Rag'bat – ezgu ishlarga qanot

8.10.2020   1551   3 min.
Rag'bat – ezgu ishlarga qanot

Bugun shunday davrda yashayapmizki, biror tadbir, marosim u yoqda tursin, ba'zan hatto ko'chaga chiqishga ham ikkilanib, hadiksirab qolyapmiz. Buning asosiy sababi barchaga ma'lum – koronavirus. Bu ofat an'anaviy turmush tarzimizni izdan chiqarib yubordi.

Lekin, shunday bo'lsa-da, karantin davrida ham fidoyilik ko'rsatib, xalq, el manfaatini yo'lida xizmat vazifasini sidqidildan bajarayotgan insonlar zamonamizning chinakam qahramonlaridir. Ular – shifokorlar, huquq-tartibot idoralari xodimlari, davlat va jamoat tashkilotlari vakillari...

Bunday fidoyi insonlar safida dinimiz jonkuyarlari bo'lgan imom-xatiblar, otinoyilar ham borligi kishini quvontiradi.

Bugun poytaxtimizdagi Shayx Muhammad Sodiq Muhammad Yusuf majmuasida karantin davrida ham oilalar mustahkamligini ta'minlash, ayol-qizlar o'rtasida muqaddas dinimizning asl mohiyati va ahamiyatini keng targ'ib qilish, ayollarning turli oqimlar ta'siriga tushib aldanib qolishining oldini olishda jonbozlik ko'rsatgan barcha otinoyilarni taqdirlash marosimi bo'lib o'tdi.

Tadbir, tabiiyki, kalomlarning eng ulug'i – Qur'oni karim tilovati bilan boshlandi.

  • Butun bashariyat, shu jumladan, xalqimiz boshiga tushgan og'ir sinovli damlarni mardonavor engib o'tyapmiz, – deydi Toshkent shahar bosh imom-xatibi o'rinbosari Abduqahhor domla Yunusov. – Pandemiya odamlarning sabrini sinovdan o'tkazyapti. Shunday og'ir vaziyatda karantin talablariga qat'iya rioya qilgan holda o'z vazifasini muvaffaqiyatli uddalayotgan bir guruh otinoyilarni taqdirlashga qaror qildik. Aslida bugungi hadyalar – ramziy: dinimiz vakilalarini rag'batlantirish, xolos. Haqiqiy mukofotni Buyuk Rabbimiz beradi, inshoalloh. Bunga aslo shubha yo'q.

Yig'ilishda faol bo'lgan otinoyilar so'zga chiqib, o'z tajribalari bilan o'rtoqlashdilar.

Tadbir qatnashchilariga Qur'oni karim tuhfa etildi.

Tadbir so'ngida yana Qur'oni karim tilovat qilinib, savobi koronavirus infektsiyasini yuqtirib olib vafot etgan barcha yurtdoshlarimiz, xususan, imom domlalar, otinoyilarning ruhoniyatlariga baxshida qilindi.

 

 

T. Nizom

O'zbekiston yangiliklari
Boshqa maqolalar
Maqolalar

23 savol

24.12.2024   727   2 min.
23 savol

Bismillahir Rohmanir Rohiym

  1. Odamlarning eng olimi bo‘lishni istaysizmi? – Allohga taqvo qiling.
  2. Odamlarning eng boyi bo‘lishni istaysizmi? – Alloh bergan ne’matlariga qanoat qiling.
  3. Odamlarning eng adolatlisi bo‘lishni istaysizmi? – O‘zingizga yoqqan narsani boshqalarga ham ravo ko‘ring.
  4. Odamlarning eng yaxshisi bo‘lishni istaysizmi? – Insonlarga manfaat yetkazishga harakat qiling.
  5. Allohga eng yaqin banda bo‘lishni istaysizmi? – Alloh taoloni ko‘p zikr qiling.
  6. Iymoningiz komil bo‘lishini istaysizmi? – Xulqingizni go‘zal qiling.
  7. Muhsinlardan bo‘lishni istaysizmi? – Alloh taologa Uni ko‘rib turgandek ibodat qiling. Agar bunga qodir bo‘lmasangiz U Zot sizni ko‘rib turganini unutmang.
  8. Itoat etuvchilardan bo‘lishni istaysizmi? – Allohning farzlarini o‘z vaqtida ado eting.
  9. Qiyomat kuni yuzingiz nurli bo‘lishini istaysizmi? – Hech kimga zulm qilmang.
  10. Qiyomat kuni Alloh taolo sizga rahm qilishini istaysizmi? – Insonlarga rahm qiling.
  11. Alloh gunohlaringizni kechirishini istaysizmi? – Istig‘for ayting.
  12. Insonlarning eng saxovatpeshasi bo‘lishni istaysizmi? – Musibatingizni odamlarga bildirmang, ularga shikoyat qilmang.
  13. Odamlarning eng kuchlisi bo‘lishni istaysizmi? – Allohga tavakkul qiling.
  14. Alloh rizqingizni keng qilishini istaysizmi? – Doimo tahoratli holda yurishga odatlaning.
  15. Alloh va Uning Rasuliga muhabbatli bo‘lishni istaysizmi? – Alloh va Rasululloh sollallohu alayhi vasallam yaxshi ko‘rgan narsalarni yaxshi ko‘ring.
  16. Qiyomat kuni Allohning g‘azabiga uchramaslikni istaysizmi? – Alloh yaratgan birorta maxluqotga g‘azab qilmang.
  17. Duolaringiz qabul bo‘lishini istaysizmi? – Luqmangiz halol bo‘lishiga e’tiborli bo‘ling.
  18. Qiyomat kuni Alloh taolo ayblaringizni berkitishini istaysizmi? – Odamlarning ayblarini yashiring.
  19. Gunohlarni nima yuvib yuboradi? – Ko‘z yoshlar, xushu’-xuzu’ va bemorlik.
  20. Qaysi yaxshilik Alloh uchun eng sevimli? – Xusni xulq, tavoze’, musibatlarga sabr qilish.
  21. Allohning nazdida amallarning eng yomoni qaysi? – Axloqsizlik va baxillik.
  22. Allohning g‘azabini nima ketkazadi? – Maxfiy sadaqa va silai-rahm.
  23. Jahannam olovini nima o‘chiradi? – Balo-ofat va musibatlarga sabr qilish.

Davron NURMUHAMMAD

Maqolalar
#logo