Avval xabar berganimizdek, ushbu nufuzli anjuman va uning doirasidagi tadbirlarda O'zbekiston musulmonlari idorasi raisi, muftiy Shayx Nuriddin Holiqnazar hazratlari ishtirok etmoqdalar.
Anjumanda Misr Arab Respublikasi muftiysi, professor Shavqiy Allom, Vaqf ishlari vaziri Muhammad Muxtor Juma, Misr Arab Respublikasi bosh imomi o'rinbosari doktor Muhammad Abdurrahmon ad-Duvayniy, Kavkaz musulmonlari idorasi raisi va Shayxulislom Ollohshukur Poshozoda kabi yirik ulamolar, muftiylar, islomshunos olimlar, ekspert va soha mutaxassislari qatnashmoqda.
O'zbekiston musulmonlari idorasi
Matbuot xizmati
“IQNA” saytining “Maspero” nashriga tayanib xabar berishicha, Misr milliy matbuot tashkiloti rahbari, yozuvchi Ahmad al-Muslimaniy Misrdagi taniqli qorilarining fotosuratlari, qo‘lyozmalari, shartnomalari, yozib olingan qiroatlari va ularga tegishli bo‘lgan ashyolarni o‘z ichiga olgan “Qur’on qorilari muzeyi” tashkil etilishini ma’lum qildi. Uning aytishicha, muzey Qur’oni karim radio tarmog‘iga aloqador bo‘lib, unga “Maspero” radio va televideniye binosida maxsus joy ajratilgan.
Al-Muslimaniyning so‘zlariga ko‘ra, muzeyga eng ko‘zga ko‘ringan nufuzli Qur’on karim qorilarining oilalari bilan yangi muzey uchun qorilarga tegishli ashyolarni yig‘ish uchun munosabatlar o‘rnatilgan. Muzey taqdim etilgan ashyolar ko‘rgazmaga qo‘yilganidan keyin tartibga keltiriladi va ommaga tashkillashtirilgan tashriflar uchun faoliyatini boshlaydi.
Ilyosxon Ahmedov tayyorladi