Qadimiy navqiron va hamisha go'zal Samarqandda yangi masjid ochildi!
Yaratganga cheksiz shukronalar bo'lsin, bugun O'zbekiston musulmonlari idorasi tizimidagi masjidlar soni yana bittaga ko'payib, jami 2075 taga etdi azizlar!
Yangi masjid nomi "Yangiobod" deb nomlangan bo'lib, samarqand shahrining So'g'diyona dahasida o'z faoliyatini olib boradi va ertaga fazilatli juma kuni ilk juma namozi o'qishi rejalashtirilmoqda.
Shu bilan Samarqand viloyatidagi masjidlar soni 286 taga etdi.
Ushbu masjidni barpo etilishidan tortib, bugungi ochilishigacha o'z hissasini qo'shgan barcha yurtdoshlarimizdan yaratganning o'zi rozi bo'lsin va yangi jome masjid muborak bo'lsin aziz yurtdoshlar!
O'zbekiston musulmonlari idorasi
Masjidlar bo'limi
Joriy yilning 2 iyun kuni ijtimoiy-ma’naviy muhitni yanada sog‘lomlashtirish, otinoyilar faoliyatini takomillashtirish maqsadida Namangan viloyatining shahar va tumanlarida faoliyat yuritayotgan bosh otinoyilar va targ‘ibot guruhi a’zolari ishtirokida o‘quv-seminar bo‘lib o‘tdi.
Seminarda Din ishlari bo‘yicha qo‘mita raisi o‘rinbosari Matluba Qahharova, Xotin-qizlar masalalari bo‘yicha bo‘lim boshlig‘i Iroda Ahmedova, O‘zbekiston musulmonlar idorasi Xotin-qizlar masalalari bo‘yicha bo‘lim boshlig‘i Dilfuza Egamova ishtirok etishdi.
Yig‘ilishda “Fuqarolarning vijdon erkinligini ta’minlash va diniy sohadagi davlat siyosati konsepsiyasi”ning mazmun-mohiyati, bu borada amalga oshirilayotgan chora-tadbirlar haqida so‘z yuritildi. Shuningdek, “Vijdon erkinligi huquqi kafolatlarini yanada mustahkamlash hamda diniy-ma’rifiy sohadagi islohotlarni yangi bosqichga olib chiqish to‘grisida”gi farmon mazmun-mohiyati tushuntirildi.
Otinoyilar faoliyati bo‘yicha yangi ishlab chiqilgan qo‘llanma o‘qib eshittirilib, har bir bandiga izoh berib o‘tildi.
O‘zbekiston musulmonlari idorasi
Matbuot xizmati