Sayt test holatida ishlamoqda!
07 Iyul, 2025   |   12 Muharram, 1447
search icon
Avvalgi sayt
ЎЗ РУ EN AR

Toshkent shahri
Tong
03:14
Quyosh
04:57
Peshin
12:33
Asr
17:41
Shom
20:03
Xufton
21:38
Bismillah
07 Iyul, 2025, 12 Muharram, 1447
Avvalgi sayt
#search
 YouTube

Misrlik olim, «Buxoro. Islom tsivilizatsiyasi yodgorliklari" kitobi muallifi "Do'stlik" ordeni bilan taqdirlandi

15.09.2020   1708   2 min.
Misrlik olim, «Buxoro. Islom tsivilizatsiyasi yodgorliklari

O'zbekistonning Misrdagi elchisi Oybek Usmonov Misr – O'zbekiston do'stlik jamiyatining faol a'zolari, Qohiradagi taniqli olim va yozuvchilar – professor Magdi Zaabal, Ahmad Ragab Rizk, doktor Al-Said Hani va Misr Yozuvchilar uyushmasi a'zosi Abdurahmon al-Hamisi bilan uchrashdi, deb xabar bermoqda «Dunyo» AA.
Elchi uchrashuv avvalida Qohira universitetining Arxeologiya fakul'teti professori, misrlik olim Ahmad Ragab Rizkanini O'zbekiston Respublikasi mustaqilligining 29 yilligi arafasida muhim dasturlarni targ'ib qilishda amaliy yordam bergani uchun O'zbekiston Prezidenti Shavkat Mirziyoev tomonidan topshirilgan O'zbekistonning yuksak davlat mukofoti – "Do'stlik" ordeni bilan tabrikladi.
Ahmad Ragab Rizk uzoq yillardan buyon Movarounnahr olimlari, ilohiyotshunoslarining boy ma'naviy-ilmiy merosi bo'yicha batafsil, shu bilan birga, chuqur tadqiqot ishlarini olib bormoqda. U O'zbekiston fan va madaniyatining noyob yodgorliklariga bag'ishlangan qator kitob hamda monografiyalar muallifi. Ikki jildli «Buxoro. Islom tsivilizatsiyasi yodgorliklari" kitobi ham uning qalamiga mansub. Misrlik olim Toshkent, Samarqand, Hiva, Farg'ona, Qo'qon, Termiz kabi dunyoda tan olingan tamaddun markazlarida joylashgan tarixiy yodgorliklarga bag'ishlangan qator ilmiy maqolalarni nashrga tayyorlamoqda.
Uchrashuvda professor Ahmad Ragab Rizk O'zbekiston Prezidentiga mehnati va sa'y-harakatlarini1 yuqori baholagani uchun samimiy minnatdorlik bildirdi va Sharq mamlakatlarida O'zbekiston xalqining boy tarixi va madaniyatini ommalashtirishga o'z hissasini qo'shishda davom etishini qayd etdi.
Tadbir doirasida Misr – O'zbekiston do'stlik jamiyati faollari bilan 2020-2021 yillarda savdo-iqtisodiy, ilmiy-texnikaviy va gumanitar sohalarda hamkorlikni yanada mustahkamlashga qaratilgan qo'shma taqdimot, ko'rgazma, veb-seminar va boshqa tadbirlarni tayyorlash hamda o'tkazish bo'yicha kelishuvga erishildi.

O'zbekiston musulmonlari idorasi matbuot xizmati

O'zbekiston yangiliklari
Boshqa maqolalar

“Safarga ketdilar...”

04.07.2025   19977   2 min.
“Safarga ketdilar...”

Ayoli vafot etganidan keyin eri juda mayus bo‘lib qoldi. Bir kuni uning yaqin do‘sti uni koyidi:

– Haliyam uylanmadingmi?

– Yo‘q, – dedi u.

– Nega, nahotki boshqa ayollar ichida senga yoqadigani bo‘lmasa?

– Rahmatli ayolimga o‘xshagani topilmasa kerak...

– Qo‘ysang-chi, ayollarning bari bir-biriga o‘xshaydi-ku!..

– Men zohirini aytmayapman. Ichki olamini, botinini aytyapman.

Yigit hayron bo‘lib qarab turgan do‘stiga hayotida bo‘lgan birgina voqeani gapirib berdi:

“Bir kuni ayolim jahlimni chiqardi. Qattiq urishdim va uni ota uyiga haydadim. Jimgina ketdi. Oradan bir necha kun o‘tgach, qilgan ishimdan pushaymon bo‘ldim. Aslida ayb o‘zimdan o‘tganini angladim. Ming andisha bilan qaynotamnikiga bordim. Eshik oldida biroz turib qoldim. So‘ng eshikni taqillatdim. Ayolim ochdi va meni hayratda qoldirib, xuddi oramizda hech gap o‘tmaganday, baland ovozda:

– Assalomu alaykum dadajonisi, safaringiz yaxshi o‘tdimi? – deya tabassum bilan ko‘zini qisib qo‘ydi. Unga bir nimalar demoqchi bo‘lgan edim, u meni qattiq bag‘riga bosib, bunday dedi:

– Gapirmang, ota-onamga sizni “safarga ketdilar”, dedim...

Ana shunday fahmli, oqila edi ayolim. Shuning uchun ham unga hech birini o‘xshatolmay, uylanolmay yuribman, do‘stim”.

Ha, azizlar! Alloh taolo erkakni ayol uchun, ayolni erkak uchun ne’mat qilib bergan. To‘g‘ri, ba’zilar bir-birlarining kamchiliklaridan shikoyat qilib qolishadi. Ammo hech kim benuqson emas. Mukammal ayolni ham, erkakni ham axtarmang bu dunyoda. Hikoyada kelganidek, ba’zida er uchun bir jufti halol butun dunyodagi ayollardan afzal bo‘lishi mumkin. Shunday ekan, ahli ayolimizni qadrlaylik. Zero, u ham kimningdir farzandi, bolalarimizning onasi. Eng muhimi, Allohning bizga bergan omonatidir.

Akbarshoh RASULOV