Juma ibodatiga ruxsat bo'lib, unga tayyorgarlik ko'rilayotgan ayni kunlarda yana bir xursandchilik sodir bo'ldi. Ya'ni yurtimiz mo'min-musulmonlarimizga xizmat qiladigan masjidlar soni yana bittaga ko'paydi.
Ushbu masjid Toshkent viloyati Yuqori Chirchiq tumanidagi “Qizilsoy” mahallasi, buyuk ipak yo'li ko'chasi, 40 uyda faoliyat olib boradi. Mazkur masjid nomi Hazrati Mu'oz ibn Jabal roziyallohu anhu nomlariga qo'yildi.
Ma'lumot uchun, Mu'oz ibn Jabal masjidi ochilishi bilan Toshkent viloyatidagi masjidlar soni 226 taga etib, Respublikamiz bo'yicha Samarqand viloyatidan keyin masjidi ko'p hududga aylandi. Shu tariqa yurtimizdagi masjidlar soni 2073 taga etdi.
Yaqinda ham yangi ochilgan masjidlar haqida ma'lumot bergan edik.
Masjid barpo etish va ochishda ko'makdosh bo'layotgan barcha yurtdoshlarimizni Haq taolo ikki dunyo saodatidan bahramand etsin, yangi jome barchamizga muborak bo'lsin!
O'zbekiston musulmonlari idorasi
Masjidlar bo'limi
حدثنا عباس الدوري نا محمد بن بشر العبدي نا مجمع بن يحيى عن عثمان بن موهب عن موسى بن طلحة عن طلحة قال: قلت: يا رسول الله كيف الصلاة عليك ؟ قال: قل :اللهم صل على محمد كما صليت على إبراهيم إنك حميد مجيد وبارك على محمد وعلى آل محمد كما باركت على إبراهيم إنك حميد مجيد.
Muso ibn Talha roziyallohu anhu Talha roziyallohu anhudan rivoyat qiladi: “Yo Allohning Rasuli, sizga salavot qanday aytiladi?” deb so‘radim.
U zot alayhissalom: “Allohumma solli ’alaa Muhammadin kamaa sollayta ’alaa Ibrohiyma innaka hamiydun majiyd. Va baarik ’alaa Muhammadin va ’alaa aali Muhammadin, kamaa baarakta ’alaa Ibrohiyma innaka hamiydun majiyd”, deb ayt”, dedilar.
Salavotning ma’nosi: “Allohim! Ibrohimga salavot yo‘llaganingdek, Muhammadga ham salavot yo‘llagin. Albatta, Sen maqtovga loyiq va ulug‘vor Zotsan. Ibrohimga barakot berganingdek, Muhammad va Muhammadning oilasiga ham barakot bergin. Albatta, Sen maqtovga loyiq va ulug‘vor Zotsan”.
Abu Said Haysam ibn Kulayb Shoshiyning
“Musnadi Shoshiy” asaridan
Davron NURMUHAMMAD