Bugun, 17 oktyabr kuni Andijon viloyati bosh imom xatibi ustoz Mirzamaqsud domla Alimov Oltinko'l tumani “Muxammad Rahimhoji” jome masjidi uchun qurilayotgan yangi xonaqoh binosiga ilk g'isht qo'yish marosimida qatnashdi.
Shuningdek, tadbirda tumani bosh imom-xatibi, vakillik xodimlari, nuroniy oqsoqollar, muhandis va quruvchi hamda mahalliy aholi vakillari ishtirok etdi.

Dastlab ustoz Mirzamaqsud domla Alimov qurilish-hashariga yig'ilganlarga bugungi kunda diniy-ma'rifiy sohadagi ulkan o'zgarishlar, masjid va madrasalar obod bo'layotgani haqida so'z yuritib, bunday masjidlar elimizga ma'rifat tarqatish maskani bo'lib xizmat qilayotganini alohida ta'kidladi.

Tadbirda Qur'on tilovat qilinib, masjid bunyodkorlariga ezgu niyatlar bildirildi, xalqimiz farovonligi va masjid qurilishiga hissa qo'shayotganlar haqqiga duolar qilinib, ustoz Mirzamaqsud domla masjid poydevori uchun ilk g'ishtni qo'yib berdi.

Vakillik matbuot xizmati