Sayt test holatida ishlamoqda!
11 Iyul, 2025   |   16 Muharram, 1447

Toshkent shahri
Tong
03:18
Quyosh
05:00
Peshin
12:34
Asr
17:41
Shom
20:01
Xufton
21:35
Bismillah
11 Iyul, 2025, 16 Muharram, 1447

Halqaro Qur'on musobaqasi g'olibiga 275 ming dollar beriladi

17.10.2023   1610   1 min.
Halqaro Qur'on musobaqasi g'olibiga 275 ming dollar beriladi

Shu yil 1 noyabr' kuni Qatarning Vaqf va islom ishlari vazirligi tomonidan tashkil etilgan “Birinchilarning eng yaxshisi” xalqaro Qur'on musobaqasi boshlanadi.

“IQNA” saytining “ar-Raya”ga tayanib xabar berishicha, vazirlik xalqaro Qur'oni karim musobaqasining 2023 yilning 1-12 noyabr' kunlari o'tkazilishini ma'lum qildi.

Musobaqaning tashkiliy qo'mitasi e'lon qilgan bayonotda: “Dunyodagi 4 qit'aning 26 davlatida o'tkazilgan Qur'oni karim musobaqalarida birinchi o'rinni qo'lga kiritgan 80 nafar g'olib “Birinchilarning eng yaxshisi” unvonini qo'lga kiritish uchun ushbu musobaqada ishtirok etadi va xalqaro musobaqalar tarixida bir million Qatar riyoli (275 ming dollar) miqdoridagi eng yuqori mukofotni qo'lga kiritadi”.

Musobaqa ishtirokchilari Qur'on karim so'zlari ma'nolarini yod olish bilan birga Qur'oni karimni to'liq yod olish bo'yicha bellashadi.

Mazkur musobaqa bir guruh taniqli va mashhur Qur'oni karim hakamlaridan iborat xalqaro komissiya tomonidan baholanadi.

Bu ikkinchi Qur'on musobaqasi bo'lib, birinchi o'rinni qo'lga kiritgan musobaqa g'olibiga bir million Qatar riyoli mukofoti topshirildi.

Mazkur musobaqaning birinchi bosqichida quvaytlik ishtirokchi Holid Muhammad Muhsin Ibrohim Al-Inati birinchi o'rinni egallagan edi.

O'zbekiston musulmonlari idorasi
Matbuot xizmati

Dunyo yangiliklari
Boshqa maqolalar
Maqolalar

Otam o‘rgatgan uch amal

11.07.2025   221   1 min.
Otam o‘rgatgan uch amal

Otam menga o‘rgatgan uchta ishni hech qachon unutmayman. Sizlarga ham ular haqida aytib bergim keldi.

Birinchisi, otam mening qo‘limdan tutib, yozishni o‘rgatardi. Men o‘qish va yozishni otamdan o‘rgandim. Hayotim mobaynida nimaiki yaxshi narsa o‘qisam, yozsam, uning savobidan otamga ham nasiba borib turadi, inshoalloh.

Ikkinchisi, otam tirnoqlarimni olib qo‘yar, menga bu ishning ahamiyati, tirnoq ostidagi mikroblarning zarari, xususan, ovqat paytidagi ziyoni haqida gapirib berardi. Biroz kattaroq bo‘lganimda tirnog‘imni o‘zim olishimni o‘rgatdi. Har tirnoq olganimda shularni eslab, haqiga duo qilib qo‘yaman.

Uchinchisi, otam nonushta qilmay uydan chiqishimga yo‘l qo‘ymasdi. Sog‘lom bo‘lishda ertalabki nonushtaning ahamiyatini keyin bilib oldim. Har nonushta qilganimda ham otamning haqqiga duo qilaman.

Ma’ruzalarimdan birida yig‘ilganlardan: «Farzandlaringizga har kuni qo‘llaydigan uchta ajoyib odatingiz bormi?» deb so‘radim. Bir ota dedi: «Ishga ketishimdan oldin ularni o‘pib qo‘yaman, asr namozini o‘qib bo‘lgach, ularing har biri uchun duo qilaman, uyquga yotishlaridan oldin ularni bag‘rimga bosaman».

Siz ham o‘zingizdan so‘rab ko‘ring-chi, otangiz yoki onangiz siz uchun bajaradigan uchta eng yaxshi ishni eslay olasizmi? Yoki o‘zingiz bolangizga uchta yaxshi odatni o‘rgatyapsizmi?.. 

Abdulloh Muhammad Abdulmu’tiyning

"FARZAND TARBIYASIDA 700 SABOQ" kitobidan

Ibratli hikoyalar