Sayt test holatida ishlamoqda!
11 Iyul, 2025   |   16 Muharram, 1447
search icon
Avvalgi sayt
ЎЗ РУ EN AR

Toshkent shahri
Tong
03:18
Quyosh
05:00
Peshin
12:34
Asr
17:41
Shom
20:01
Xufton
21:35
Bismillah
11 Iyul, 2025, 16 Muharram, 1447
Avvalgi sayt
#search
 YouTube

Janubiy Koreyaning halol sanoatga intilish sababi va bosqichlari

16.04.2024   1350   2 min.
Janubiy Koreyaning halol sanoatga intilish sababi va bosqichlari

Janubiy Koreya ma'murlari halol sanoatni o'sib borayotgan imkoniyat sifatida ko'radi, uni qo'ldan boy berib bo'lmaydi va bu tez o'sib borayotgan bozorda mavjud bo'lish uchun keng rejalar ishlab chiqdi.

“IQNA”ning “al-Jazira” telekanaliga tayanib xabar berishicha, o'tgan yilning sentyabr' oyida Malayziyada bo'lib o'tgan xalqaro halol ko'rgazmasida Indoneziya va Kuvayt kabi musulmon davlatlaridan bo'lgan Janubiy Koreya stend vakillari tashrif buyuruvchilarni dengiz o'tlaridan tortib, sog'liq uchun mo'ljallangan mahsulotlargacha bo'lgan stendda taqdim etilayotgan halol mahsulotlar bilan tanishishga taklif qilishgani ko'plab ishtirokchilar e'tiborini tortgan edi.

“Halol oziq-ovqat bozori – bu o'sish uchun ulkan salohiyatga ega bo'lgan okean”, –dedi Janubiy Koreya Qishloq xo'jaligi va oziq-ovqat vazirligi xodimi Li Yon Jek “al-Jazira” telekanaliga bergan interv'yusida.

Janubiy Koreya hozirda butun dunyo bo'ylab 1,8 milliard musulmonning turmush tarzini shakllantiradigan global halol sanoati salohiyatini anglab etdi. Lekin tabiiyki, musulmon aholisi 200.000 dan kam yoki aholining 0,4 foizidan kam bo'lgan Koreya davlatiga halol mahsulotlar ishlab chiqarish unchalik mos kelmaydi. Biroq Janubi-Sharqiy Osiyoda koreys taomlari va sabzavotlariga talab ortib borayotgani koreys eksportchilari uchun potentsial foydali imkoniyatdir.

    2015 yilda Koreyaning o'sha paytdagi prezidenti Pak Kin He Birlashgan Arab Amirliklari bilan yangi bozorlarda savdoni, jumladan, halol oziq-ovqatlarni rivojlantirish bo'yicha shartnoma imzolagan edi.

O'tgan yili Janubiy Koreya Malayziyadagi Islom ishlari bo'yicha idoralardan ruxsat olganidan so'ng birinchi marta “hanvu” nomi bilan tanilgan halol koreys mol go'shtini eksport qila boshladi.

Joriy yilning noyabr' oyida Janubiy Koreya Qishloq xo'jaligi vazirligi Seulda joylashgan Koreya musulmonlari jamg'armasi va Koreyaning “Halal Marjah” kompaniyasi Jakartada Indoneziyaning Halol mahsulotlar tashkiloti bilan shartnoma imzolaganini e'lon qildi.

Mazkur shartnoma asosida Koreya qishloq xo'jaligi va oziq-ovqat kompaniyalari Janubiy Koreyadan “Halol” sertifikatni olgandan so'ng Indoneziyadagi tashkilotdan alohida sertifikat olmasdan turib, mamlakatga mahsulot eksport qilishi mumkin.

O'zbekiston musulmonlari idorasi

Matbuot xizmati

O'zbekiston yangiliklari
Boshqa maqolalar
Yangiliklar

Muftiy hazrat: imtihonda shaffoflik va xolislikni ta’minlash zarur!

09.07.2025   5876   2 min.
Muftiy hazrat: imtihonda shaffoflik va xolislikni ta’minlash zarur!

7 iyul kuni O‘zbekiston musulmonlari idorasi raisi, muftiy Shayx Nuriddin Xoliqnazar hazratlari ishtiroklarida Oliy va o‘rta maxsus islom ta’lim muassasalari uchun 2025-2026 o‘quv yili qabul imtihonlariga tayyorgarlik ishlari muhokama qilindi.

O‘zbekiston musulmonlari idorasi raisi o‘rinbosari, professor  Muhammadolim domla Muhammadsiddiqov diniy ta’lim muassasalari uchun yangi o‘quv yili kirish imtihonlarini tartibli o‘tkazish yuzasidan amalga oshirilgan ishlar to‘g‘risida axborot berdi.

Muftiy hazratlari imtihonlarni adolatli va xolisona o‘tkazish, tartib-qoidalarga rioya etish, jarayonlar shaffof bo‘lishiga erishish hamda tegishli xonalar xavfsizligini ta’minlash, videokuzatuv kameralari bilan jihozlash kabi muhim jihatlarga diqqat qaratdilar. Shuningdek, imtihondan oldin abituriyentlar bilan o‘tkaziladigan suhbatlar ham belgilangan tartibda bo‘lishiga urg‘u berdilar.  
Shayx Nuriddin Xoliqnazar hazratlari imtihonlarni ochiq-oshkora va adolatli o‘tkazish orqali yosh avlod haq-huquqlarini ta’minlash, iqtidorli yoshlarga bilimlarini namoyon etishga imkoniyat berishni qayd etdilar. Shuningdek, imtihon olishga mas’ul ustoz va mutaxassislar Alloh taolo huzurida ham, xalqimiz oldida ham ulkan mas’uliyatni chuqur his etishi hamda nomaqbul illatlardan saqlanishlariga katta diqqat qaratdilar. 

Madrasalarga kirish imtihon savollari umumta’lim maktab dasturlari asosida, Oliy diniy ta’lim muassasalari uchun kirish imtihon savollari esa madrasa ta’lim dasturlari asosida bo‘lishi ham alohida ta’kidlandi.

Yig‘ilish yakunida quyidagi muhim vazifalar belgilab olindi:
– Qabul jarayonlarini namunali tashkil etish;
– Yuqori darajada xavfsizligi ta’minlangan elektron dasturlardan foydalanish;
– Abituriyentlar uchun munosib sharoitlarni yaratish;
– Abituriyentlarga test sinovlaridagi huquq va majburiyatlarini tushuntirish;
– Imtihon jarayonini videokuzatuv qurilmalari orqali nazorat qilish;
– Ota-onalar uchun kutish joylarini tayyorlash;
– Imtihon jarayonlarini namoyish etish uchun ekranlar o‘rnatish.

Qabul imtihonlari muvaffaqiyatli o‘tishini tilab duolar qilindi.

O‘zbekiston musulmonlari idorasi Matbuot xizmati

Muftiy hazrat: imtihonda shaffoflik va xolislikni ta’minlash zarur! Muftiy hazrat: imtihonda shaffoflik va xolislikni ta’minlash zarur! Muftiy hazrat: imtihonda shaffoflik va xolislikni ta’minlash zarur! Muftiy hazrat: imtihonda shaffoflik va xolislikni ta’minlash zarur! Muftiy hazrat: imtihonda shaffoflik va xolislikni ta’minlash zarur!
O'zbekiston yangiliklari
#logo