2023 yil 10 oktyabr' kuni O'zbekiston zilziladan jabr chekkan qo'shni Afg'oniston xalqiga insonparvarlik yordami yubordi. Ayni vaqtda Kun.uz muxbirining xabar berishicha, oziq-ovqat, palatkalar va tibbiy vositalardan iborat yordam eng katta yuk samolyoti – Boeing-747da etkazib berildi. Mezbonlar vakili Mavloviy Sharofiddin Muslim sinovli kunlarda berilayotgan bu yordamlarni afg'on xalqi hech qachon esdan chiqarmasligini ta'kidladi.

Shu bilan bir qatorda O'zbekiston Respublikasi Tashqi ishlar vazirligi bu haqda bayonot berdi.

Bayonotga ko'ra, Afg'onistonning g'arbiy viloyatlarida ko'plab insonlarning halok bo'lishi va keng ko'lamli vayronagarchiliklarga olib kelgan zilzila haqidagi xabar O'zbekistonda chuqur qayg'u bilan qabul qilindi.

Zilzila qurbonlarining oila a'zolariga samimiy hamdardlik bildiramiz, afg'on xalqining qayg'usiga sherikmiz va jabrlanganlarning tezroq sog'ayib ketishini tilaymiz.

O'zbekiston tomoni Afg'oniston va uning xalqi bilan bugungi og'ir damlarda birgadir.