Avval xabar berganimizdek, shu yilning 20 iyun' kunidan oliy va o'rta maxsus diniy ta'lim muassasalarida 2024-2025 o'quv yili uchun abituriyentlardan hujjatlarni qabul qilish boshlanadi. Mazkur jarayonga yuqori darajada tayyorgarlik ko'rirsh masalasida bugun, 19 iyun' kuni ZOOM platformasi orqali O'zbekiston musulmolari idorasi Ta'lim va ilmiy-tadqiqot bo'limi tomonidan onlayn yig'ilish o'tkazildi.

Unda Ta'lim va ilmiy-tadqiqot bo'limi mudiri S.Sherxonov, bo'lim mudiri o'rinbosari A.Do'smatov, bo'lim mutaxassislari va diniy ta'lim muassasalari Qabul hay'ati mas'ullari ishtirok etdi.

Yig'ilishda Qabul jarayonlarini yuqori darajada tashkil etish, abituriyent va ularning yaqinlariga qulay sharoitlar yaratish, qabul imtihonlarini shaffof, ochiq va oshkora o'tkazish bo'yicha Qabul hay'ati mas'ullariga tegishli ko'rsatma va tavsiyalar berildi.

Shuningdek, qabul nizomlariga kiritilgan yangilik, imtiyoz va qulayliklarga alohida to'xtalib, abituriyentlardan hujjatlarni qabul qilishda mazkur talablarga qat'iy amal qilish lozimligi alohida ta'kidlandi.

Masofaviy yig'ilish so'nggida ta'lim muassasasi mas'ullari tomonidan berilgan savollarga atroflicha javob berildi.

A.Bobamirzayev,
O'zbekiston musulmonlari idorasi,
ta'lim va ilmiy-tadqiqot bo'limi metodisti