Cavol: Tashahhudni oxirigacha o'qilmay qolsa, bu xato emasmi? 

Javob: Bismillahir Rohmanir Rohiym. Namozda tashahhud o'qish vojib amal sanaladi. Tashahhudni boshidan oxirigacha, “abduhu va rosuluhu”gacha o'qish ham vojib sanaladi. Biror qismini unutib tark qilib qo'yish orqali sajdai sahv vojib bo'ladi. Bu haqda fiqhiy kitoblarimizda bayon qilingan. Jumladan “Bahrur roiq” kitobida bunday deyilgan:

“Namozning ettinchi vojibi tashahhud o'qish. Uning garchi ozini tark qilsa ham “Zohirur rivoya”ga ko'ra sajdai sahv vojib bo'ladi. Chunki tashahhudning barchasi bitta, yaxlit zikr hisoblanadi. Uning ba'zini tark qilish hammasini tark qilish hukmida bo'ladi. Birinchi yoki ikkinchi qa'dada bu holat sodir bo'lishining farqi yo'q”. Vallohu a'lam.

 O'zbekiston musulmonlari idorasiFatvo markazi