Bugun, 29 sentyabr' kuni O'zbekiston musulmonlari idorasi raisi muftiy, Shayx Nuriddin Holiqnazar hazratlari Toshkent shahridagi “Rakat” jome masjidida juma namozini jamoat bilan ado qildilar.

Muftiy hazratlari juma namozi avvalida bugungi kunda muhim bo'lgan “Ijtimoiy tarmoqlardan foydalanish odoblari” mavzusida suhbat qilib, insoniyat hayotining ajralmas qismiga aylangan Internet tarmog'i uzog'imizni yaqin, mushkulimizni oson qilayotgani, o'z navbatida har narsaning yaxshi va yomon tomonlari bo'lgani kabi mazkur vositadan to'g'ri foydalanish odoblarini bilish va uni farzandlarimizga ham o'rgatish har bir mo'min-musulmonning muhim vazifasi ekanini hadisi shariflar, ulug' zotlar ibratlari misolida tushuntirib berdilar.

 O'zbekiston musulmonlari idorasi
Matbuot xizmati