Turkiyaning Anatoliya axborot agentligi "Anadolu" O‘zbekiston Fanlar Akademiyasi qoshidagi sharqshunoslik institutining qo‘lyozmalar fondi direktori Sharifjon Islomovdan mamlakatimizdagi qo‘lyozmalar fondi haqida intervyu oldi. Intervyu Anqarada keng qiziqish uyg‘otdi va bir qator nashrlarda, jumladan, Turkiyaning mashhur "Yeni akit" gazetasida chop etildi, deb xabar bermoqda "Dunyo" axborot agentligi.
Materialda ta’kidlanganidek, O‘zbekiston qo‘lyozmalar fondida 26 ming jildlik qo‘lyozmalar, 40 ming jildlik litografiyalar va 5 mingdan ortiq tarixiy hujjatlar saqlanadi. "Anadolu" ning O‘zbekistondagi muxbiri Baxtiyor Abdukarimov Fond direktori Sharifjon Islomovning so‘zlariga tayanib xabar berishicha, O‘zbekistonda kamida 40 ta kutubxona va kitob to‘plamlari mavjud bo‘lib, O‘zbekiston Fanlar Akademiyasining qo‘lyozmalar fondi asarlar soni va mazmuni jihatidan dunyodagi eng boylardan biridir. Eng qadimiysi to‘qqizinchi asrga taaluqli.
- To‘plamdagi qo‘lyozmalar IX-XX asrlarga, litografiyalar-XIX-XX asrlarga mansub. Asarlar asosan arab, fors va turk tillarida yozilgan, - deydi jamg‘arma rahbari.
Sharifjon Islomov bu markazda 26 ming jildda to‘plangan 100 mingdan ortiq qo‘lyozma asarlar, shuningdek, 5 mingdan ortiq tarixiy hujjatlar yagona nusxada saqlanishini ta’kidladi. Ular orasida xon, Sulton va amirlarning farmon va qarorlari mavjud bo‘lib, ular bugungi kunda mintaqa tarixini har tomonlama ochib berishga yordam beradi.
Turkiyalik o‘quvchilar intervyulardan Fond qo‘lyozmalarni tiklash, kataloglashtirish va raqamlashtirish ustida ish olib borayotganini bilib olishdi. Eng qimmatli asarlardan biri Ibn Sinoning "Tib ilmining qonuni"dir. Kitobning yagona to‘liq nusxasi O‘zbekiston Fanlar Akademiyasining qo‘lyozmalar to‘plamidadir. Bu nusxa o‘n oltinchi asrda turli tillarga tarjima qilingan.
Materialda ta’kidlanganidek, Fond Qur’onning "Langar Musxafi" deb nomlangan nodir qo‘lyozmalaridan birini ham saqlaydi va u tahminan IX asrga tegishli. "Fondda ushbu qo‘lyozma Qur’onning bir sahifasi, O‘zbekiston musulmonlar idorasi kutubxonasida 12 sahifasi, Rossiyadagi muzeyda bir necha sahifasi mavjud", - deydi Islomov.
1993-yil sentyabr oyida Istanbulda tashkil etilgan Yeni akit -ommabop kundalik gazeta.

O‘zbekiston musulmonlari idorasi matbuot xizmati