Yaqinda Londonda kimoshdi savdosiga tilla suvi yugurtirilgan sahifali Qur’on qo‘lyozmasi qo‘yildi.
Aawsat saytiga ko‘ra, Xitoy daraxtlari va tabiat rasmlari bilan aawsat, tilla suvi yugurtirilgan sahifalarga ega bo‘lgan bu nafosatli Qur’on aslida Erondagi Temuriylar saltanati va Xitoyda Ming imperiyasi o‘rtasidagi diplomatik aloqalardan dalolat beradi.

Qur’on Xitoydan import qilingan qog‘ozga yozilgan; chunki Eron va Xitoy amaldorlari o‘rtasida diplomatik tashriflar paytida har ikki mamlakat elchilari o‘z mamlakatlariga ipak, kulolchilik va qog‘oz kabi tovarlar olib kelishgan, nafis Xitoy qog‘ozlari qo‘lyozmalar yoziladigan ashyolardan biri edi.
IQNA bildirishicha, bu qimmatli Qur’on sahifalarining rangi binafsharang, to‘q sariq, ko‘k, qizil va yashil rangdadir, chunki o‘sha davr qo‘lyozmalarida rangli qog‘ozlardan foydalanish Islom olamida keng tarqalgan amaliyot edi.
Qur’onning bu nafosatli nusxasi Qur’on oyatlarining maxsus qog‘ozga yozilganligi bilan ajralib turadi va u ancha jilolanib, ipak sahifalariga tegib ketgandek bo‘ladi. O‘sha paytlarda xitoyliklar katta hajmdagi qo‘lyozmalarni yozish uchun bu turdagi qog‘ozlardan foydalanishgan.

Qur’on nashri 25 iyun kuni Londondagi auksionda 600,000 va 900,000 funt sterling orasida narx bo‘yicha savdoga chiqariladi.

O‘zbekiston musulmonlari idorasi matbuot xizmati