Ramazon oyida eng xushovoz qorilarning 70 nafari Qur’oni karimni onlayn xatm o‘qdilar. Imom-domlalar, mudarrislar, talabalar va otinoyilar tomonidan ham jami 17 ming marta Ilohiy kalomni xatm qildilar.
Bugun, 19 may duolar ijobat bo‘ladigan – Qadr kechasi kunida mana shunday xatmonalarning yakuniy bo‘ladi. O‘zbekiston musulmonlari idorasi raisi, muftiy Usmonxon Alimov hazratlari boshchiliklarida ulamolar va hofizi Qur’onlar mana shunday xatmi Qur’onlarning yakunini o‘qib, duoyu-tazarrular qiladilar.
Mana shunday onlayn xatmi Qur’onlarning xatmona duosi 19 may kuni soat 22:15 dan boshlab jonli efirda tashkil etiladi. Xatmona tadbiri internet saytlari, ijtimoiy tarmoqlar orqali onlayn namoyish etiladi. Ushbu tadbir “Uzreport” telekanalida to‘g‘ridan to‘g‘ri, qolgan kanallarda esa yozib olingan holda efirga beriladi.
Ushbu xatmi Qur’onni quyidagi havolalar orqali onlayn uzatishni tavsiya etamiz:

Feysbuk https://www.facebook.com/muslimuzportal/?ref=aymt_homepage_panel&eid=ARDLMpvyEXGYhRR4mk1GPNGtMZ_qnFuwQpSOGZgheHwOCuEVoUfuNb1MbrZ6pgY4qSFbyddlNdLYDpj0
Yutub https://www.youtube.com/channel/UCLbdL0ibb4zqlqe7LRNOSNQ
Uzreport https://uzreport.news/livehttps://uzreport.news/live
ITV.UZ https://itv.uz/#!/muslim

Barchamiz duoga qo‘l ochib, “omin” deb tursak ijobat bo‘ladigan duolarga sherik bo‘lamiz. Hadisi sharifda aytilganidek, xatmi Qur’ondan keyingi duo ijobat. Hazrati Payg‘ambarimiz sollallohu alayhi vasallam: “Kim Qur’onni xatm qilsa, uning duosi ijobatdir”, deganlar (Imom Tabaroniy rivoyati).
Abdulloh ibn Mas’ud raziyallohu anhu Qur’onni xatm qilsalar, oilasini to‘plab, duoga “omin” deb turishlarini buyurar edilar. Sahoba Anas ibn Molik raziyallohu anhu har gal xatm qilganida oila a’zolarini jamlab, birgalashib jamoaviy duo qilar edilar.
Abdulloh ibn Abbos Qur’on o‘qiydigan qorilarni surishtirib, qachon xatm qilishini so‘rab olar ekan. Xatm qiladigan kuni borib, duosiga sherik bo‘lar ekanlar.
Shunday ekan fursatni g‘animat bilib, barchamiz oila-a’zolarimiz bilan birgalikda ushbu xatmi Qur’on duosiga “omin” deb tursak, barcha qilingan duolar ayni damda bizning haqimizda ham bitiladi, insha Alloh.
Qadr kechasi muborak bo‘lsin.

O‘zbekiston musulmonlari idorasi Matbuot xizmati