Marokashdagi “McDonald's” restoranlar tarmog'i Marokashda sodir bo'lgan zilzila qurbonlari xotirasiga motam tutib, o'z restoranlari guruhida Qur'oni karimni uch kun davomida efirga uzatishga qaror qildi.
“Heba Press” agentligining Kasablankadagi o'rgangan ma'lumotlariga ko'ra, “McDonald's” restoranlarining bo'sh joylarida musiqalar to'xtatilib, uning o'rniga Qur'oni karim tilovati qo'yilgan.
“McDonald's” restoranining bir qator mijozlari zilzila qurbonlari bilan birdamliklari va xayriya kampaniyalarida bir necha marta ishtirok etgani uchun Amerikadagi “McDonald's” restoranlari uyushmasi rahbariyatiga minnatdorchilik bildirdi.
O'zbekiston musulmonlari idorasi
Matbuot xizmati
8 iyul kuni O‘zbekiston musulmonlari idorasi raisi, muftiy Shayx Nuriddin Xoliqnazar hazratlari Saudiya Arabistoni Podshohligining O‘zbekistondagi elchisi Yusuf al-Utaybiy boshchiligidagi delegatsiyani qabul qildilar.
Muloqotda so‘nggi yillarda ikki davlat o‘rtasidagi aloqalar tobora mustahkamlanib borayotgani, ayniqsa, haj va umra ibodatlarini uyushtirish ishlari yangi bosqichga ko‘tarilgani alohida qayd etildi. Xususan, “Haj – 2025” mavsumi har jihatdan muvaffaqiyatli o‘tgani, mutasaddilar sa’y-harakati bilan hojilarga yuqori darajada sharoit va imkoniyatlar hozirlangani, o‘zbekistonlik ziyoratchilar tartib-intizomi, odob-axloqi bilan barchaga namuna bo‘lib, risolagidek toatu ibodat qilganlari e’tirof etildi.
Uchrashuvda tomonlar kelgusida ham diniy-ma’rifiy sohadagi hamkorlikni yanada rivojlantirish, Haj va Umra ziyoratchilariga xizmat ko‘rsatish sifatini oshirib borish kabi masalalarni muhokama qilishdi. Shuningdek, hamkorlikda o‘tkaziladigan ma’rifiy tadbirlar yuzasidan o‘zaro fikr-mulohaza almashildi.
O‘zbekiston musulmonlari idorasi Matbuot xizmati