Voqealarning bunday rivoji umumiy dushmanga qarshi bir tan, bir jon bo‘lib kurashishni hayotiy zaruratga aylantirmoqda.

 

Tarix dalolat berganidek, ayni shunday sharoitlarda har qanday xalq va millat ma’naviyatining tub mohiyati ro‘yobga chiqadi, uning haqiqiy hikmati – donishmandligi o‘zini baralla namoyon etadi. Turli mamlakatlarda kechayotgan bugungi jarayonlar ushbu haqiqatni takror va takror isbotlamoqda. Tobora globallashib borayotgan bugungi dunyoda hech bir yurt va millat hayotning mazmun-mohiyatini belgilovchi umumiy jarayonlardan tashqarida qololmaydi. O‘zbekiston ham ushbu qonuniyatdan mustasno emas, albatta. Xalqparvar Prezidentimiz rahbarligida yurtimizda vaziyat taqozo etayotgan zarur choralar ko‘rilmoqda. Umid qilamizki, ular ko‘zlangan ezgu maqsadlarni ro‘yobga chiqaradi.

 

Lekin vujudga kelgan og‘ir vaziyatni yengish faqatgina davlatning ishi emasligi, balki umummilliy vazifa ekanini yaxshi idrok etishimiz lozim. Bugun Qur’oni karim hamda hadisi shariflarda tarannum etilgan va xalqimizning qonu joniga singib ketgan insonparvarlik va mehr-muruvvat kabi fazilatlarni namoyish etish pallasi keldi. Bizga rizq qilib berilgan ne’matlarning bir qismini xayr-ehson qilish va bir-birimizga naf keltirish eng oliy insoniy burchimizga aylandi.

 

Mamlakatimizda amalga oshirilayotgan xayrli tadbirlarni qo‘llab-quvvatlash va vujudga kelgan murakkab vaziyatda xalqimizning ehtiyojmand toifalariga ko‘rsatilayotgan insonparvarlik yordamiga hissa qo‘shish ma’nosida jamoamiz a’zolari yakdillik bilan bir kunlik ish haqini koronavirusga qarshi kurashda ijtimoiy himoyaga muhtoj qatlamlarga ko‘maklashish uchun ta’sis etilgan Mehr-shafqat va salomatlik jamoat fondi hisobraqamiga o‘tkazishga qaror qildi.

 

Asrlar osha millat sarboni bo‘lib kelayotgan ziyoli kasbdoshlarimizni mazkur tashabbusga qo‘shilishga chorlaymiz!