Samimiy muloqot
2023 yil 7 sentyabr' kuni O'zbekiston musulmonlari idorasi raisi, muftiy Shayx Nuriddin Holiqnazar hazratlari Arman-Apostollik cherkovining Moskva va Novonaxichevan eparxiyasi rahbari Yezras Narsesyanni qabul qildilar.
Muloqotda Din ishlari bo'yicha qo'mita raisi o'rinbosari Dilshod Mamatqulov, O'zbekistondagi Arman Apostol cherkovi ruhoniysi Avanes Grigoryan va bir qator mutasaddilar ishtirok etdi.
Uchrashuvda qadim-qadimdan O'zbekiston zaminida turli millat, elat va din vakillari ahil-inoq yashab kelayotgan diyor ekani, barchaning asosiy maqsadi tinchlik va osoyishtalikni ta'minlash va ertangi taraqqiyoti uchun hissa qo'shish ekaniga urg'u qaratildi.
Samimiy ruhda o'tgan suhbatda mamlakatimizdagi yangilanish va islohotlar keng quloch yozayotgani, Davlatimiz rahbari tomonidan millatlararo totuvlik va konfessiyalararo hamkorlikka berilayotgan alohida e'tibor mamlakatimiz taraqqiyotida yangi davrni boshlanishiga zamin yaratganiga alohida e'tibor qaratildi.
Yurtimizdagi bunday ijobiy o'zgarishlar dunyo hamjamiyatida O'zbekistonga bo'lgan qiziqishni yanada oshirib, uning xalqaro maydondagi nufuzini tobora mustahkamlayotgani mehmonlar tomonidan yuksak e'tirof etildi.
O'zbekiston musulmonlari idorasi Matbuot xizmati
Ustozlarga ehtirom: diniy ta’lim muassasalarida bayram tuhfalari ulashilmoqda
1 oktyabr – O‘qituvchi va murabbiylar kuni munosabati bilan yurtimiz bo‘ylab ma’rifat ulashuvchi zahmatkash ustozlarimizga yuksak hurmat va ehtirom ko‘rsatilmoqda. Shu munosabat bilan “Vaqf” xayriya jamoat fondi tomonidan diniy ta’lim muassasalari pedagog va xodimlari holidan xabar olinib, bayram tuhfalari ulashildi.
Xususan:
-
Mir Arab o‘rta maxsus islom ta’lim muassasasi ustoz va xodimlariga 40 million so‘mlik moddiy ko‘mak hamda oziq-ovqat jamlanmalari topshirildi.
-
Hadis ilmi maktabida soha fidoyilari ishtirokida ma’rifiy davra suhbati tashkil etilib, mudarris va xodimlarga bayram ehsonlari ulashildi, xayrli duolar qilindi.
-
“Jo‘ybori Kalon” ayol-qizlar o‘rta maxsus islom ta’lim muassasasida 6 nafar ustozga 5 million so‘mdan (jami 30 million so‘mlik) xayriya sertifikatlari, yana 16 nafar muallima va xodimlarga esdalik sovg‘alari taqdim etildi.
Ta’lim muassasalari jamoalari ko‘rsatilayotgan bunday e’tibor va g‘amxo‘rlik uchun O‘zbekiston musulmonlari idorasi hamda “Vaqf” fondiga samimiy minnatdorlik bildirdilar.
Alloh taolo kelajak avlodni tarbiyalash yo‘lida fidokorona mehnat qilayotgan barcha aziz ustozlarimizning ilm va amallariga baraka bersin, kasb bayramingiz muborak bo‘lsin!
O‘zbekiston musulmonlari idorasi
Matbuot xizmati
