Sayt test holatida ishlamoqda!
13 Iyun, 2025   |   17 Zulhijja, 1446

Toshkent shahri
Tong
03:04
Quyosh
04:49
Peshin
12:28
Asr
17:38
Shom
20:00
Xufton
21:38
Bismillah
13 Iyun, 2025, 17 Zulhijja, 1446

Mehnat muhojirlarining hayoti va sog‘lig‘ini sug‘urtalash haqida ma’lum qilindi

28.01.2020   4307   1 min.
Mehnat muhojirlarining hayoti va sog‘lig‘ini sug‘urtalash haqida ma’lum qilindi

Xorijga ishlashga ketayotgan mehnat migrantlarining hayoti va salomatligi sug‘urtalash bepul,deydi Tashqi mehnat migratsiyasi agentligi boshlig‘i Baxtiyor Tursunov.

“Odamlarimizning sug‘urta tizimiga u qadar ham ishonmagani uchun ham xorijga ishga ketishni mo‘ljallayotgan mehnat migrantlarining hayoti va salomatligini sug‘urtalash bo‘yicha sug‘urta mukofotini qoplash uchun subsidiyalar berilmoqda. Bu nima uchun qilinmoqda? Xudo ko‘rsatmasin har xil holatlar bor. Shunaqa holatlarga tushganingizda kim pul berarkan, davolanishga qayerdan pul topaman degan savollar tug‘ilmaydi, hayotingiz va salomatligingizni sug‘urta qildirgan bo‘lsangiz, sug‘urta kompaniyasi barcha xarajatlaringizni qoplab beradi”, deydi agentlik boshlig‘i.

Sug‘urtaning narxi haqida to‘xtalgan Baxtiyor Tursunovning ta’kidlashicha, “Bir yillik sug‘urta 100 yoki 200 ming so‘m turadi. Bu mehnat migrantiga yoki uning oilasiga qancha narsada yordam berishi mumkin. Buning uchun mehnat migranti O‘zbekistonga kelishiyam shartmas. Qarindoshlari istalgan sug‘urta kompaniyasiga borib, uning hayoti va salomatligini sug‘urta qildirib qo‘ysa bo‘ladi”.

Manba: https://azon.uz

HORIJDAGI YURTDOSHIM
Boshqa maqolalar

Arafa kuni ushbu 5 amalni bajarishni unutmang!

04.06.2025   14764   1 min.
Arafa kuni ushbu 5 amalni bajarishni unutmang!

1. Duo qilish. Bu kun qilingan duolar eng afzal duodir.

Solihlardan biri aytadi: "Allohga qasam! Arafa kuni biror duo qilsam, bir yil o‘tmasidan turib uni xuddi yorishgan tong kabi amalga oshganini ko‘rdim".

O‘tgan solihlar ehtiyojlari uchun qiladigan duolarini arafa kuniga saqlab qo‘yishar edi. Qanchadan qancha orzu-umidlar va duolar arafa kunida ijobat qilingan.


2. Ushbu duoni ko‘p qilish. Nabiy sollallohu alayhi vasallam: “Duolarning yaxshisi arafa kunidagi, men va mendan oldingi nabiylarning “Laa ilaha illallohu vahdahu laa shariyka lahu, lahul mulku va lahul hamdu va huva ’ala kulli shayin qodiyr”, deb aytgan duosidir”, dedilar.


3. Allohdan do‘zaxdan panoh so‘rash. Bu kundan ko‘ra do‘zaxdan ko‘p ozod bo‘ladigan kun yo‘q. Nabiy sollallohu alayhi vasallam aytdilar: “Arafa kuni, Alloh bandalarni do‘zaxdan ko‘p ozod qilganchalik boshqa biror kun yo‘q!”.


4. Takbiri tashriq aytish. Bu kunning bomdod namozidan boshlab takbir aytiladi. “Allohu akbar! Allohu akbar! Allohu akbar! Laa ilaha illallohu vallohu akbar! Allohu akbar va lillaahil hamd”.


5. Ro‘za tutish. Bu kun tutilgan ro‘za ikki yillik gunohlarga kafforot bo‘ladi. Rasululloh sollallohu alayhi vasallam: “Arafa kunining ro‘zasi undan oldingi va undan keyingi yillardagi gunohlarga kafforot bo‘ladi deb Allohdan umid qilaman”, dedilar (Imom Muslim rivoyati).

Arafa kuningiz muborak bo‘lsin. Alloh taolo sizni bu kunning fazilatlaridan to‘liq bahramand etsin.

 

Davron NURMUHAMMAD