«Tafsiri Hilol» dasturining Android qurilmalari uchun yangi nashrida audio tinglash imkoniyati qo‘shildi. Yangi 2.0 nashr dasturiga quyidagi yangiliklar kiritilgani ma’lum qilindi. Bu imkoniyatlar quyidagilardir:
– Audio tinglash imkoniyati qo‘shildi;
– Mashhur qorilar Mahmud Halil Xusoriy, Muhammad Siddiq Minshaviy, Mishariy Roshid al-Afasiy, Abdurrohman Sudays qorilar tilovati;
– Shayx Muhammad Sodiq Muhammad Yusuf hazratlari tomonidan o‘qib berilgan «Qur’oni Karim va o‘zbek tilidagi ma’nolar tarjimasi» audiosi.
Dasturdan foydalanishda qiroatlarni tinglash uchun ro‘yxatdan o‘tish kifoya ekani ma’lum qilingan.
Shuningdek, hatcho‘p qo‘shish joyi ham o‘zgardi va har bir oyatni o‘z qatoridan turib hatcho‘pga qo‘shishingiz mumkin.
Eslatib o‘tamiz, dasturimizdan iOS, Windows, Linux(Ubuntu) hamda MacOS jihozlarda foydalanish mumkin.
«Tafsiri Hilol» dasturini barcha jihozlar uchun yuklab olish
(http://e-hilolnashr.uz/tafsirihiloldownload)
O‘zbekiston musulmonlari idorasi Matbuot xizmati
#xabar #haj2025 #tabrik
Muqaddas zaminda haj ibodatini ado etayotgan millionlab mo‘min-musulmonlar qatori 15 ming nafar yurtdoshlarimiz Mino va Arafot kabi muborak manzillarda ulug‘ amallarni ixlos ila bajarmoqdalar.
Shu yil 5 iyun Arafa kuni Makkai mukarramadagi Arafot hududida bo‘lib turgan hojilarimiz toatu ibodatlarda bo‘lib, muhtaram Prezidentimiz va xalqimizga Qurbon hayiti tabriklarini yo‘lladilar. (https://muslim.uz/e/post/43499-o-zbekiston-hojilarining-prezident-shavkat-mirziyoyevga-qurbon-hayiti-munosabati-bilan-yo-llagan-tabrigi) Uni haj ibodatini ixlos ila ado etayotgan hojilarimiz nomidan O‘zbekiston musulmonlari idorasi raisi, muftiy Shayx Nuriddin Xoliqanazar hazratlari o‘qib eshittirdilar. Unda jumladan bunday deyilgan:
“Hurmatli Prezident Sizni va Siz orqali yurtdoshlarimizni haj ibodatini ado etayotgan hamyurtlarimiz nomidan musulmon ummati uchun eng ulug‘ bayram – Qurbon hayiti bilan samimiy muborakbod etamiz.
Biz, o‘zbekistonlik hojilar shunday fayzli kunlar uchun shukronalar aytib, Haq taolodan jonajon yurtimizga qut-baraka, aziz xalqimizga farovonlik va farzandlarimizga barkamollik so‘rab ezgu duolar qilmoqdamiz.
Zero, Payg‘ambarimiz sollallohu alayhi vasallam “Duolarning eng yaxshisi arafa kuni qilingan duodir”, deb xushxabar berganlar.
Shuningdek, hojilarimiz gunohlar afv etiladigan va duolar ijobat bo‘ladigan Arafotda turib, Alloh taolodan Yurtboshimizga mustahkam sog‘liq, uzoq umr va ulkan muvaffaqiyatlar tilab, xayrli ishlari doimo bardavom bo‘lishini iltijo qilib so‘rashdi.
Shu bilan birga yurtimiz hojilari yaratib berilgan imkoniyatlar va ko‘rsatilgan ehtiromdan ruhlanib, yurtga qaytgandan keyin “Yangi O‘zbekistonning tinchlik va ma’naviyat targ‘ibotchilari” degan ezgu tashabbusni amalga oshirishni bir ovozdan ilgari surdilar. (https://muslim.uz/e/post/43499-o-zbekiston-hojilarining-prezident-shavkat-mirziyoyevga-qurbon-hayiti-munosabati-bilan-yo-llagan-tabrigi)
Alloh taolo mo‘min-musulmonlarning hajlarini mabrur aylasin.
O‘zbekiston musulmonlari idorasi
Matbuot xizmati