Rasululloh sollallohu alayhi vasallam: “Kim Baqara surasining oxirgi ikki oyatini tunda o‘qisa, unga kifoya qiladi”, dedilar (Imom Buxoriy rivoyati).

Mufassirlar mazkur ikki oyatning insonga kifoya qilishi borasida: “Baqara surasining oxirgi ikki oyatini o‘qigan insonga mazkur oyatlar uning hayoti davomida uchraydigan g‘am-tashvishlardan, yomonliklardan kifoya bo‘ladi. Kim kech kirganda mazkur ikki oyatni o‘qisa, go‘yo kechani ibodat bilan bedor o‘tkazgandek savob olishiga kifoya qiladi”, deyishgan.

Boshqa bir qavlda: “Kim mazkur ikki oyatni tunda o‘qisa, tuni bilan Qur’onni o‘qib chiqqandek savobga  kifoya qilinadi”, deyilgan.