Sayt test holatida ishlamoqda!
12 Iyul, 2025   |   17 Muharram, 1447
search icon
Avvalgi sayt
ЎЗ РУ EN AR

Toshkent shahri
Tong
03:19
Quyosh
05:01
Peshin
12:34
Asr
17:41
Shom
20:01
Xufton
21:34
Bismillah
12 Iyul, 2025, 17 Muharram, 1447
Avvalgi sayt
#search
 YouTube

Muftiy hazratlarining navbatdagi safar manzili – Navoiy viloyati

11.12.2019   2200   2 min.
Muftiy hazratlarining navbatdagi safar manzili – Navoiy viloyati

Bugun, 11 dekabr kuni O‘zbekiston musulmonlari idorasi raisi, muftiy Usmonxon Alimov hazratlari va Din ishlari bo‘yicha qo‘mita raisi Abdug‘ofur Ahmedov Navoiy viloyatida bo‘ldilar.
Barcha viloyatlar kabi Navoiy viloyatining ham o‘zi xos jihatlari mavjud. Buyuk mutafakkir Alisher Navoiy nomi bilan ataluvchi ushbu eng kenja viloyat hududi jihatidan eng katta bo‘lib, aholisining ko‘p millatliligi bilan alohida ajralib turadi.
Muhtaram Prezidentimiz 2017 yili Navoiy viloyatiga tashrifi chog‘ida Nurota tumanidagi «Chashma» ziyoratgohi atrofini kengaytirish va obodonlashtirish yuzasidan ko‘rsatmalar bergan edi.
O‘tgan yili bu ishlar amalga oshirilib, ziyoratgoh hududi o‘zgacha chiroy ochdi. Ellik o‘rinli «Nurota» mehmonxonasi foydalanishga topshirildi. Manzarali buta va daraxtlar ekilib, favvora bunyod etildi. Endilikda «Chilustun» va «Panjvaqta» masjidlari, Abul Hasan Nuriy maqbarasini ta’mirlash ishlari davom ettirilmoqda.
Muftiy hazratlari tashriflarining avvalida viloyatda istiqomat qilayotgan boquvchisini yo‘qotgan, kam ta’minlangan oilalar holidan xabar olish bo‘ldi, ular bilan suhbat qilindi. O‘ksik qalblarga ham moddiy, ham ma’naviy ko‘mak ko‘rsatildi.
Shuningdek, “Vaqf” fondi tomonidan nogironligi tufayli to‘shakka mixlanib qolgan insonlarga nogironlik aravachalari, ehtiyojmand oilalarga oziq-ovqat mahsulotlari va kiyim-kechaklar taqdim etildi.
Mana shunday xayriya ishlari orqali shunday insonlarning siniq ko‘ngillarini ko‘tarib, dillariga mamnunlik ulashish har bir vijdonli inson uchun huzurbaxsh amallardan hisoblanadi.

 

 

O‘zbekiston musulmonlari idorasi Matbuot xizmati

O'zbekiston yangiliklari
Boshqa maqolalar

Men qabrimga ketaman...

11.07.2025   2403   2 min.
Men qabrimga ketaman...

Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.

Hazrat Tahonaviy rahmatullohi alayhmurid va yaqinlariga «safar qilsangiz va yukingiz sizga bepul olib ketishingizga ruxsat bergan miqdordan ortiq bo‘lsa, albatta, ortiqcha yukning haqqini ado eting va keyin safar qiling», deya ko‘rsatma berar edilar.

Bir kuni u kishi safar qilish uchun vokzalga yetib keldilar. Poyezd kelishiga yaqin qolgan edi. Hazrat yuklarini olib, yuklar tortiladigan joyga yetib keldilar va navbatga turdilar. Tasodifan poyezdda birga ketadigan konduktor u yerga keldi va hazratni tanib qoldi. Darhol: «Hazrat, siz bu yerda nega turibsiz?» deb so‘radi.

Hazrat: «Yukimni torttirish uchun kelganman», dedilar.

Konduktor: «Sizga yukingizni torttirishga zarurat yo‘q. Hech qanday muammo bo‘lmaydi. Men siz bilan birga poyezdda ketaman. Ortiqcha yuk uchun haq to‘lashingiz shart emas», dedi.

Hazrat: «Siz men bilan birga qayergacha borasiz?» deb so‘radilar.

Konduktor: «Falon bekatgacha boraman», dedi.

Hazrat: «Keyin u yog‘iga nima bo‘ladi?» deb so‘radilar. Konduktor: «U bekatda boshqa konduktor keladi. Men unga bu hazratning yuklari, deb aytib qo‘yaman», dedi.

Hazrat: «U konduktor men bilan birga qayergacha boradi?» deb so‘radilar.

Konduktor: «U uzoqqa ketadi. Undan ancha oldin sizning bekatingiz keladi», dedi.

Hazrat: «Yo‘q, men ancha uzoqqa ketaman, oxirat tarafga ketaman, qabrimga ketaman. Qaysi konduktor men bilan birga ketadi?» dedilar. Keyin: «Oxiratda mendan bir davlatga oid poyezdda yukning haqqini ado qilmay qilgan safaring va o‘g‘irliging hisobini ber degan talab bo‘lsa, u yerda qaysi konduktor menga yordam bera oladi?!» dedilar.

«Nasihatlar guldastasi» kitobidan