O‘zbekistonning Saudiya Arabistoni Podshohligidagi elchisi Ulug‘bek Maqsudov Saudiya Arabistonining yetakchi “Al-Riyada” va “Al-Jazira” gazetalari bosh muharrirlari Xani Vafo va Holid bin Hamad al-Malik bilan uchrashuv o‘tkazdi, deb xabar bermoqda “Dunyo” axborot agentligi.

Ular O‘zbekistondagi jurnalistlarga ko‘rsatilayotgan e’tibor, davlat muassasalari axborot xizmatlarining faoiliyatining butkul yangicha tarzda yo‘lga qo‘yilishiga yuqori baho berishdi.
Ushbu nashrlar rahbarlari ularni keyinchalik “Al-Riyada” va “Al-Jazira” gazetalarida chop etish uchun xabar yangiliklar almashinuvi bo‘yicha O‘zbekiston OAVlari bilan hamkorlikni rivojlantirishga tayyorliklarini bildirishdi.

Shuni ta’kidlash lozimki, avvalroq Saudiya Arabistonining ushbu yetakchi nashrlari O‘zbekiston vakillarining “Haj-2019” mavsumidagi ishtiroki haqida bir qator maqolalar e’lon qilishgan edi.

O‘zbekiston musulmonlari idorasi Matbuot xizmati