Sayt test holatida ishlamoqda!
12 Iyun, 2025   |   16 Zulhijja, 1446
search icon
Avvalgi sayt
ЎЗ РУ EN AR

Toshkent shahri
Tong
03:04
Quyosh
04:49
Peshin
12:28
Asr
17:38
Shom
20:00
Xufton
21:38
Bismillah
12 Iyun, 2025, 16 Zulhijja, 1446
Avvalgi sayt
#search
 YouTube

Toshkent viloyati bosh imom-xatibi yangidan qurilayotgan masjidlar bilan tanishdi

10.10.2019   2250   2 min.
Toshkent viloyati bosh imom-xatibi yangidan qurilayotgan masjidlar bilan tanishdi

Toshkent viloyati bosh imom-xatibi Xayrulloh domla Turmatov viloyatning tuman va shaharlarida qayta qurish ishlari olib borilayotgan masjidlarni borib ko‘rdi.

Joriy yilda Toshkent viloyatida tegishli dastur asosida 29 ta masjid yangidan qurilmoqda. X.Turmatov Piskent, Bo‘ka, Yuqori Chirchiq, Quyi Chirchiq, Parkent  tumanlaridagi qurilish jarayonlari bilan tanishar ekan, me’morchilik uslublarida va milliy an’analarga uyg‘un holda zamonaviy masjidlarning uslublaridan ham foydalanilganiga alohida e’tibor qaratdi. Bunday ko‘rinish  ziyorat turizmi doirasida mamlakatimizga tashrif buyuradigan mehmonlar uchun ham hilma-xillikni taqdim etishini bildirdi.

 Shuningdek bosh imom-xatib Quyi Chirchiq tumanidagi sakkizburchak shaklida qurilayotgan “Olmazor” masjidining yorug‘lik tizimiga yuqori baho berib: “Masjidlarning oynalari qanchalik ko‘p va keng bo‘lsa namozxonning bahri dili ochiladi”, deya ta’kidladi.

 

 

Masjidlardagi imkoniyatlar bo‘yicha zaruriy tavsilar berilar ekan, tahoratxonalarda keksalar holatini alohida hisobga olish hamda nogironligi bor fuqarolar uchun ham maxsus sharoitlar qilish yuzasidan takliflar berildi.

Allohning baytini qurishdek savobi ulug‘ ishlarda mehnat qilayotgan, yelib yugurayotgan fidoiy xodimlar, usta hunarmandlar, ishboshilar, homiylar haqqlariga duolar qilinib, yangi ibodat uylarini tez orada xalqimizga tuhfa etishlariga tilak bildirildi.

 

 

O‘zbekiston musulmonlari idorasi Masjidlar bo‘limi

 

O'zbekiston yangiliklari
Boshqa maqolalar

Arafa kuni ushbu 5 amalni bajarishni unutmang!

04.06.2025   14130   1 min.
Arafa kuni ushbu 5 amalni bajarishni unutmang!

1. Duo qilish. Bu kun qilingan duolar eng afzal duodir.

Solihlardan biri aytadi: "Allohga qasam! Arafa kuni biror duo qilsam, bir yil o‘tmasidan turib uni xuddi yorishgan tong kabi amalga oshganini ko‘rdim".

O‘tgan solihlar ehtiyojlari uchun qiladigan duolarini arafa kuniga saqlab qo‘yishar edi. Qanchadan qancha orzu-umidlar va duolar arafa kunida ijobat qilingan.


2. Ushbu duoni ko‘p qilish. Nabiy sollallohu alayhi vasallam: “Duolarning yaxshisi arafa kunidagi, men va mendan oldingi nabiylarning “Laa ilaha illallohu vahdahu laa shariyka lahu, lahul mulku va lahul hamdu va huva ’ala kulli shayin qodiyr”, deb aytgan duosidir”, dedilar.


3. Allohdan do‘zaxdan panoh so‘rash. Bu kundan ko‘ra do‘zaxdan ko‘p ozod bo‘ladigan kun yo‘q. Nabiy sollallohu alayhi vasallam aytdilar: “Arafa kuni, Alloh bandalarni do‘zaxdan ko‘p ozod qilganchalik boshqa biror kun yo‘q!”.


4. Takbiri tashriq aytish. Bu kunning bomdod namozidan boshlab takbir aytiladi. “Allohu akbar! Allohu akbar! Allohu akbar! Laa ilaha illallohu vallohu akbar! Allohu akbar va lillaahil hamd”.


5. Ro‘za tutish. Bu kun tutilgan ro‘za ikki yillik gunohlarga kafforot bo‘ladi. Rasululloh sollallohu alayhi vasallam: “Arafa kunining ro‘zasi undan oldingi va undan keyingi yillardagi gunohlarga kafforot bo‘ladi deb Allohdan umid qilaman”, dedilar (Imom Muslim rivoyati).

Arafa kuningiz muborak bo‘lsin. Alloh taolo sizni bu kunning fazilatlaridan to‘liq bahramand etsin.

 

Davron NURMUHAMMAD