Sayt test holatida ishlamoqda!
10 Iyun, 2025   |   14 Zulhijja, 1446
search icon
Avvalgi sayt
ЎЗ РУ EN AR

Toshkent shahri
Tong
03:05
Quyosh
04:50
Peshin
12:28
Asr
17:37
Shom
19:59
Xufton
21:36
Bismillah
10 Iyun, 2025, 14 Zulhijja, 1446
Avvalgi sayt
#search
 YouTube

Nishonga urilgan gaplar: “Daraxtga ozor beradigan narsa bolta emas, balki boltaning sopi o‘sha daraxtning shoxidan ekanidir”

29.08.2019   5177   1 min.
Nishonga urilgan gaplar: “Daraxtga ozor beradigan narsa bolta emas, balki boltaning sopi o‘sha daraxtning shoxidan ekanidir”

Quyida keltiriladigan fikrlar, hikmatlar saytlardan va ijtimoiy tarmoqlardagi turli sahifalardan olib tarjima qilingan.

 

Baxting kalitini boshqa shaxsning hamyoniga solishdan ehtiyot bo‘l!

“Tarix muhrlagan so‘zlar”

*****

Agar o‘zingning naqadar boy ekaningni his qilmoqchi bo‘lsang, o‘zing ichida turgan, pulga sotib olish mumkin bo‘lmagan ne’matlarni sanab ko‘r!

 “Tarix muhrlagan so‘zlar”

*****

Agar sen tirikchilik uchun qiynalib mehnat qilayotgan, kamsitilayotgan keksa ayolni ko‘rsang, bilginki, sen uyatsizlar o‘lkasida yashayotgan ekansan.

“Tarix muhrlagan so‘zlar”

*****

Ko‘plab dushmanlarni uchratdim. Ularning orasidagi eng xavflilari mening do‘stim ekanini da’vo qiladiganlaridir.

“Tarix muhrlagan so‘zlar”

*****

Yoqimli so‘z chiroyli qushga o‘xshaydi. Tilingdan chiqishi bilanoq boshqalarning dillarida sayraydi.

“Fikr durdonalari”

*****

Daraxtga ozor beradigan narsa bolta emas, balki boltaning sopi o‘sha daraxtning shoxidan ekanidir.

“Fikr durdonalari”

*****

Donishmand aytdi: “Uch narsadan foyda yo‘q:

  • Baxilning qo‘lidagi moldan;
  • Qo‘rqoqning qo‘lidagi qilichdan;
  • Munofiqning qo‘lidagi qalamdan”.

“Fikr durdonalari”

*****

Aqllar boshqalar bilan mashg‘ul bo‘lganda kichrayib, o‘zi bilan mashg‘ul bo‘lganda kattalashadi.

“Fikr durdonalari”

 

Internet materiallaridan to‘plab, tarjima qiluvchi

Nozimjon Iminjonov

Maqolalar
Boshqa maqolalar

Arafa kuni ushbu 5 amalni bajarishni unutmang!

04.06.2025   13469   1 min.
Arafa kuni ushbu 5 amalni bajarishni unutmang!

1. Duo qilish. Bu kun qilingan duolar eng afzal duodir.

Solihlardan biri aytadi: "Allohga qasam! Arafa kuni biror duo qilsam, bir yil o‘tmasidan turib uni xuddi yorishgan tong kabi amalga oshganini ko‘rdim".

O‘tgan solihlar ehtiyojlari uchun qiladigan duolarini arafa kuniga saqlab qo‘yishar edi. Qanchadan qancha orzu-umidlar va duolar arafa kunida ijobat qilingan.


2. Ushbu duoni ko‘p qilish. Nabiy sollallohu alayhi vasallam: “Duolarning yaxshisi arafa kunidagi, men va mendan oldingi nabiylarning “Laa ilaha illallohu vahdahu laa shariyka lahu, lahul mulku va lahul hamdu va huva ’ala kulli shayin qodiyr”, deb aytgan duosidir”, dedilar.


3. Allohdan do‘zaxdan panoh so‘rash. Bu kundan ko‘ra do‘zaxdan ko‘p ozod bo‘ladigan kun yo‘q. Nabiy sollallohu alayhi vasallam aytdilar: “Arafa kuni, Alloh bandalarni do‘zaxdan ko‘p ozod qilganchalik boshqa biror kun yo‘q!”.


4. Takbiri tashriq aytish. Bu kunning bomdod namozidan boshlab takbir aytiladi. “Allohu akbar! Allohu akbar! Allohu akbar! Laa ilaha illallohu vallohu akbar! Allohu akbar va lillaahil hamd”.


5. Ro‘za tutish. Bu kun tutilgan ro‘za ikki yillik gunohlarga kafforot bo‘ladi. Rasululloh sollallohu alayhi vasallam: “Arafa kunining ro‘zasi undan oldingi va undan keyingi yillardagi gunohlarga kafforot bo‘ladi deb Allohdan umid qilaman”, dedilar (Imom Muslim rivoyati).

Arafa kuningiz muborak bo‘lsin. Alloh taolo sizni bu kunning fazilatlaridan to‘liq bahramand etsin.

 

Davron NURMUHAMMAD