Haj amalini ado etgan tojikistonliklarning ilk guruhi 18 avgust kuni vataniga qaytadi. Bu haqda Din ishlari hamda an’analar va urf-odatlarni tartibga solish qo‘mitasi ma’lum qildi, deya xabar (https://azon.uz/content/views/tojikistonda-hojilarning-qaytishini-dabd) bermoqda AsiaPlus nashri.
Avgust oyining oxirigacha tojikistonlik hojilarning bari vataniga qaytgan bo‘ladi. Qaytishdan oldin ular bilan Makka va Madinada tushuntirish ishlari olib boriladi, hojilarni kutib olishni faqatgina oila davrasida o‘tkazish kerakligi uqtiriladi.
Qo‘mitaning ta’kidlashicha, “qonunga binoan “hojitalbon” va “hoji oshi” singari marosimlar taqiqlangan. Zam-zam suvi va xurmo qoqisini tarqatsa bo‘ladi. Aholi hojilarni eson-omon qaytib kelganlari bilan tabriklashi mumkin”.
Eslatib o‘tamiz, joriy mavsumda 6 ming tojikistonlik haj ziyoratini amalga oshirmoqda.
O‘zbekiston musulmonlari idorasi Matbuot xizmati
Bugun, Zulhijjaning 8-kuni mehmonxonadan tashkiliy guruh boshchiligida avtobuslarda talbiya aytib, Minoga yetib kelgan bo‘lg‘usi hojilarimiz: "Allohim bu Minodir. Sen do‘stlaringga ato etgan ehsonlaringdan menga ham in’om et!”, deb duolar qilishdi.
Mino maydonida O‘zbekiston hojilari uchun alohida joy ajratilgan. Bu yerda hojilarimiz bemolol ibodat qilishlari uchun sharoit hozirlangan. Shuningdek, tamaddi qilishlari uchun turli xil taomlar, choy, suv kabi ichimliklar chodirlarga olib kelib ulashilmoqda.
Nabiy alayhissalom sunnatlariga muvofiq, bugun Minoda tarviya kuni peshin, asr, shom, xufton namozlari o‘qiladi. Ayni paytda o‘zbekistonlik ziyoratchilar Mino vodiysida erta tongdan to kun botgunga qadar ulamolarning suhbatlaridan bahramand bo‘lib, toatu ibodat va duoyu iltijolar bilan o‘tkazishmoqda.
Alloh taolo barcha hojilar qatorida, yurtimiz hojilarining ham duo va ibodatlarini qabul aylasin.
O‘zbekiston musulmonlari idorasi
Matbuot xizmati