O‘zbekistonda Qurbon Hayiti 11 avgust, yakshanba kuni nishonlanadi. «Toshshahartransxizmat» kompaniyasidan ma’lum qilishlaricha, «bayramni ko‘tarinki ruxda o‘tkazish, xalqimizga munosib sharoit yaratish maqsadida mutasaddi tashkilotlar tomonidan qator chora-tadbirlar belgilangan».
Qayd etilishicha, kompaniya tomonidan Hayit kunlari poytaxt ahliga qo‘shimcha qulaylik yaratish maqsadida avtobuslar 4:30 dan yo‘nalishlarga chiqariladi.
Jom’e masjidlari atrofida «Toshshahartransxizmat» mutasaddi xodimlarining 5:00 dan 8:00 gacha navbatchiligi tashkil etiladi. Jom’e masjidlari oldidan o‘tuvchi yo‘llarda harakat vaqtincha cheklangan taqdirda avtobuslarni mazkur hududga yaqin, yo‘lovchilar uchun qulay bo‘lgan yo‘llardan o‘tkazish choralari ko‘riladi.
Eslatib o‘tamiz, Hayit namozi soat 5:45 da o‘qiladi.
O‘zbekiston musulmonlari idorasi Matbuot xizmati
Ushbu maqolalarda xalqimiz 30 yildan ko‘p kutgan, mamlakatimiz futboli tarixida yangi sahifa ochgan kun e’tirof etilgan. Aniqrog‘i, futbol bo‘yicha Jahon chempionati Osiyo qit’asi 3-saralash bosqichi 9-turida O‘zbekiston terma jamoasi safarda Birlashgan Arab Amirliklari termasiga qarshi o‘yinda 0:0 hisobidagi durangga erishib, ilk bor Jahon chempionati yo‘llanmasini qo‘lga kiritgani ta’kidlangan.
Mualliflar jahon chempionatiga chiqish ulkan muvaffaqiyat sifatida nafaqat futbolchilar, balki murabbiylar va federatsiyaning ham yutug‘i ekaniga urg‘u bergan.
Muharrama Pirmatova, O‘zA