Misrning etakchi «Sada al-Balad» axborot agentligi veb-saytida «O'zbekiston ochiq ma'lumotlar reytingida dunyo bo'yicha 30-o'ringa ko'tarildi» sarlavhali maqola ingliz tilida e'lon qilindi, deb xabar bermoqda «Dunyo» AA muxbiri.

«O'zbekiston Open Data Inventory ochiq ma'lumotlar reytingida 70 ball to'plagan holda dunyoda 30-o'ringa ko'tarildi, - deyiladi nashrda. - Ushbu natija respublikada ochiqlik sohasida amalga oshirilayotgan islohotlarning yaqqol ifodasi hisoblanadi. Open Data Inventory ochiq ma'lumotlar reytingida dunyoning 195 mamlakati baholandi».

Maqolada mazkur reytingda O'zbekiston Markaziy Osiyo mamlakatlari orasida birinchi o'rinni egallagani ma'lum qilingan.

«Jahon reytingida Qozog'iston 51-, Qirg'iziston 92-, Tojikiston 126- va Turkmaniston 195-o'rinda qayd etilgan. 2022 yili O'zbekiston mazkur reytingda jahonning 192 davlati orasida 66 ball to'plagani holda 40-o'rinni egallagan edi», - deb yozadi «Sada al-Balad».

O'zbekiston musulmonlari idorasi
Matbuot xizmati