Saudiya Arabistonining turistik yangiliklar agentligining Twitterdagi sahifasida Toshkent va Jidda o'rtasida aviaqatnovlar yo'lga qo'yilayotgani haqidagi axborot materiali joylashtirildi, deb xabar bermoqda «Dunyo» AA muxbiri.
Nashrda shu yil 4 sentyabrdan boshlab «Uzbekistan Airways» aviakompaniyasi Toshkentdan Jiddaga va ortga qaytuvchi muntazam aviaqatnovlarni amalga oshirishni boshlashi ma'lum qilingan.
«Uzbekistan Airways» aviakompaniya ma'lumotiga ko'ra, bu Makka va Madinaning musulmon ziyoratgohlariga tez va qulay tarzda borish imkonini beradi, - deyiladi xabarda. - Toshkent-Jidda-Toshkent muntazam parvozlari har kuni amalga oshiriladi».
Habar yakunida, ushbu yo'nalishdagi aviachiptalarni aviakompaniya veb-sayti va kompaniyaning rasmiy agentlaridan xarid qilish mumkinligi ta'kidlangan.
O'zbekiston musulmonlari idorasi
Matbuot xizmati
Savol: Namozga “Allohu akbar”, deb quloq qoqishda “Allohu akbar” dagi “r” ga kelganda ikki qo‘lni bosh barmog‘i quloq yumshog‘iga tegiziladimi? Shunday deb, eshitdim.
Javob: Bismillahir Rohmanir Rohiym. Namozga kirishda avval ikki qo‘lni yuqoriga ko‘tarib, bosh barmoqlarni quloqning yumshoq joyiga tegiziladi. So‘ng “Allohu akbar”, deb, namozga kirishiladi.
Bu haqida Faqih Abu Ja’far rahimahulloh bunday zikr qilganlar: “Ikki kaftini ichki taraflari bilan qiblaga yuzlanadi va panjalari yozadi hamda qo‘llarini yuqoriga ko‘taradi. Qachonki, ikki bosh barmog‘i ikki quloqlarining yumshoq joylariga tegsa, “Allohu akbar” deb namozga shuru’ qiladi.
Shamsulaimma Saraxsiy rahimahullohga ko‘ra, barcha mashoyixlar shunga ittifoq qilganlar (“Muhiyt” kitobi). Vallohu a’lam.
O‘zbekiston musulmonlari idorasi
Fatvo markazi.