Quyida keltiriladigan fikrlar, hikmatlar saytlardan va ijtimoiy tarmoqlardagi turli sahifalardan olib tarjima qilingan.

Musibat faqat yomonlarning zulm qilishi emas, balki yaxshilarning jim turishi hamdir.

“Tarix muhrlagan so‘zlar”

*****

Kim oshqozoniga (nima kirib-chiqayotganiga) e’tibor bermasa, boshqa narsalarga ham e’tibor bermaydi.

“Tarix muhrlagan so‘zlar”

*****

Odamlar sokinlik paytida bir xildirlar. Mashaqqatli damlarda esa ularning qandayliklari ma’lum bo‘ladi.

Ibn Xaldun rahimahulloh

*****

Kurashayotgan paytimda yo‘q bo‘lib qolgan bo‘lsang, g‘alaba qozonganimda yonimda bor bo‘lib qolishni o‘ylama!

“Tarix muhrlagan so‘zlar”

*****

Haqni bilishning o‘zi bilan to‘xtab qolmaslik kerak. Natijasi qanday bo‘lishidan qat’i nazar haqni gapirish ham kerak!

“Tarix muhrlagan so‘zlar”

*****

Adolat qaror topganda, hatto hayvonlar ham tartib-intizomga amal qiladi.

Ibrohim Fiqiy

*****

“Hamma odamlarni rozi qilish” degan qonuniyat meni qamrab olmaydi.

“Tarix muhrlagan so‘zlar”

*****

“Meni falonchi yubordi” degan gap 10 yillik tajriba va 5 ta diplomga teng bo‘lib qoldi.

“Tarix muhrlagan so‘zlar”

*****

Arab bo‘la turib, o‘zingga o‘xshagan arab bilan ingliz tilida gaplashishing sening madaniyatli, ziyoli ekaningni mutlaqo anglatmaydi. Balki o‘z tilingni bilmaydigan johil, uning go‘zalliklaridan mahrum bir kimsa ekaningni anglatadi.

Najib Mahfuz

O‘zbek bo‘la turib, o‘z tilida gaplashishni o‘ziga ep ko‘rmay, bir-biri bilan ruscha gaplashadigan kimsalarga ham mos tushar ekan.

*****

Hurmatga loyiq bo‘lib, unga erisholmasliging hurmatga loyiq bo‘lmay, unga erishganingdan yaxshiroqdir.

Mark Tven

*****

Internet materiallaridan to‘plab,

tarjima qiluvchi Nozimjon Iminjonov