Sayt test holatida ishlamoqda!
10 Iyul, 2025   |   15 Muharram, 1447
search icon
Avvalgi sayt
ЎЗ РУ EN AR

Toshkent shahri
Tong
03:17
Quyosh
04:59
Peshin
12:33
Asr
17:41
Shom
20:02
Xufton
21:36
Bismillah
10 Iyul, 2025, 15 Muharram, 1447
Avvalgi sayt
#search
 YouTube

YANGI LOYIHA: Alijon qorining “Qur’on qalb shifosi” suhbatlari

19.06.2019   5770   2 min.
YANGI LOYIHA: Alijon qorining “Qur’on qalb shifosi” suhbatlari

O‘zbekiston musulmonlari idorasi tashabbusi bilan tez kunlarda yurtimizdagi qiroat ilmi olimlaridan eng mashhuri bo‘lgan Alijon qori Fayzulla Maxdum o‘g‘lining “Qur’on qalb shifosi” mavzusidagi turkum ma’rifiy suhbatlari muslim.uz saytida namoyish etiladi.

Ushbu ma’rifiy suhbatlarda qiroat va tajvid ilmining eng daqiq jihatlari, tajvid ilmining tarixi, u haqida yozilgan kitoblar, tajvid ilmida ijod qilgan ulamolar hamda yurtimizda ham bu ilmning rivoji, tajvid va qiroat ilmiga doir yozilgan kitoblar, shuningdek, bugungi kunda ushbu ilmga bo‘lgan e’tibor haqida so‘z yuritiladi.

Ma’lumot o‘rnida, Alijon qori Fayzulloh Maxdum o‘g‘li 1976 yilda Jizzax viloyatida tavallud topgan. 1995 yilda O‘zbekiston musulmonlari idorasi tomonidan Misr Arab Respublikasidagi Al-Azhar universitetiga o‘qishga yuborilgan. 1998 yil Al-Azhar universitetining E’dodiya (tayyorlov) bo‘limini, 2001 yilda esa Sanaviya (boshlang‘ich) bo‘limini tamomlagan.

2002–2007 yillarda Al-Azhar universitetining Shariat va Qonun kulliyotida ta’lim olgan. 2008 – 2012 yillarda Shayx Ahmad Iyso Al-Ma’soroviy nomidagi Ulumul Qur’on va qiroat ilmlariga xoslangan ilm dargohida tahsil olib, hozirda Al-Azhar universitetining 4-kurs talabasi hisoblanadi.

Alijon qori Fayzulloh Maxdum o‘g‘li Qur’oni karim va qiroat ilmidan tahsil olgan ustozlari professor Alloma Shayx Abbos Al-Misriy, Shayx Ali Shu’ayb Sharqoviy, Shayx Muhammad Imom Al-Shofiy, Shayx Ahmad Sayyid Qiliniy,  Shayx Nabil bin Abdulqodir Al-Dog‘fali Al-Jazoiriy kabilar hisoblanadi.

Shuningdek, u tajvid ilmi matnlari bo‘yicha quyidagi ustozlardan ijozat olgan: Shayx Samiy Mahmud Shahaza Al-Fayyumi, Shayx  Ahmad Sayyid Al-Qiliniy, Shayx Alloma  Ali Muhammad Tavfiq Al-Nahhas kabilar.

Alijon qori dunyodagi mashhur qiroat allomalaridan Saudiya Arabistoni Jidda shahrida, hozirgi davrning Imom Jazariysi deb atalgan Alloma Shayx Ayman Rushdiy Suvayd, Madinai munavvarada Alloma Shayx Ustoz Muhammad Tamim Al-Zo‘biy, Misrning Jiza viloyatida Alloma Shayx Abdulfattah Al-Madkur va Qohira shahrida Alloma Shayx doktor Ali Muhammad Tavfiq Al-Nahhas kabi ulug‘ ustozlarga Qur’oni karimni tabarrukona o‘qib bergan.

Alijon qori bugungi kunda dunyoning ko‘plab qiroat ilmi ulamolari tomonidan e’tirof etilgan zabardast qorilardan biridir.

Alloh taboraka va taolo ushbu xayrli loyihani muvaffaqiyatli aylasin.

 

O‘zbekiston musulmonlari idorasi Matbuot xizmati

O'zbekiston yangiliklari
Boshqa maqolalar
Yangiliklar

Muftiy hazrat: imtihonda shaffoflik va xolislikni ta’minlash zarur!

09.07.2025   4029   2 min.
Muftiy hazrat: imtihonda shaffoflik va xolislikni ta’minlash zarur!

7 iyul kuni O‘zbekiston musulmonlari idorasi raisi, muftiy Shayx Nuriddin Xoliqnazar hazratlari ishtiroklarida Oliy va o‘rta maxsus islom ta’lim muassasalari uchun 2025-2026 o‘quv yili qabul imtihonlariga tayyorgarlik ishlari muhokama qilindi.

O‘zbekiston musulmonlari idorasi raisi o‘rinbosari, professor  Muhammadolim domla Muhammadsiddiqov diniy ta’lim muassasalari uchun yangi o‘quv yili kirish imtihonlarini tartibli o‘tkazish yuzasidan amalga oshirilgan ishlar to‘g‘risida axborot berdi.

Muftiy hazratlari imtihonlarni adolatli va xolisona o‘tkazish, tartib-qoidalarga rioya etish, jarayonlar shaffof bo‘lishiga erishish hamda tegishli xonalar xavfsizligini ta’minlash, videokuzatuv kameralari bilan jihozlash kabi muhim jihatlarga diqqat qaratdilar. Shuningdek, imtihondan oldin abituriyentlar bilan o‘tkaziladigan suhbatlar ham belgilangan tartibda bo‘lishiga urg‘u berdilar.  
Shayx Nuriddin Xoliqnazar hazratlari imtihonlarni ochiq-oshkora va adolatli o‘tkazish orqali yosh avlod haq-huquqlarini ta’minlash, iqtidorli yoshlarga bilimlarini namoyon etishga imkoniyat berishni qayd etdilar. Shuningdek, imtihon olishga mas’ul ustoz va mutaxassislar Alloh taolo huzurida ham, xalqimiz oldida ham ulkan mas’uliyatni chuqur his etishi hamda nomaqbul illatlardan saqlanishlariga katta diqqat qaratdilar. 

Madrasalarga kirish imtihon savollari umumta’lim maktab dasturlari asosida, Oliy diniy ta’lim muassasalari uchun kirish imtihon savollari esa madrasa ta’lim dasturlari asosida bo‘lishi ham alohida ta’kidlandi.

Yig‘ilish yakunida quyidagi muhim vazifalar belgilab olindi:
– Qabul jarayonlarini namunali tashkil etish;
– Yuqori darajada xavfsizligi ta’minlangan elektron dasturlardan foydalanish;
– Abituriyentlar uchun munosib sharoitlarni yaratish;
– Abituriyentlarga test sinovlaridagi huquq va majburiyatlarini tushuntirish;
– Imtihon jarayonini videokuzatuv qurilmalari orqali nazorat qilish;
– Ota-onalar uchun kutish joylarini tayyorlash;
– Imtihon jarayonlarini namoyish etish uchun ekranlar o‘rnatish.

Qabul imtihonlari muvaffaqiyatli o‘tishini tilab duolar qilindi.

O‘zbekiston musulmonlari idorasi Matbuot xizmati

Muftiy hazrat: imtihonda shaffoflik va xolislikni ta’minlash zarur! Muftiy hazrat: imtihonda shaffoflik va xolislikni ta’minlash zarur! Muftiy hazrat: imtihonda shaffoflik va xolislikni ta’minlash zarur! Muftiy hazrat: imtihonda shaffoflik va xolislikni ta’minlash zarur! Muftiy hazrat: imtihonda shaffoflik va xolislikni ta’minlash zarur!
O'zbekiston yangiliklari
#logo