Sayt test holatida ishlamoqda!
09 Aprel, 2025   |   11 Shavvol, 1446
search icon
Avvalgi sayt
ЎЗ РУ EN AR

Toshkent shahri
Tong
04:31
Quyosh
05:53
Peshin
12:30
Asr
17:02
Shom
19:00
Xufton
20:16
Bismillah
09 Aprel, 2025, 11 Shavvol, 1446
Avvalgi sayt
#search
 YouTube

Qadr kechasi haqida 10 savolga 10 javob

30.05.2019   40140   3 min.
Qadr kechasi haqida 10 savolga 10 javob

Tanlovga!

  1. Savol: «Qadr» so‘zining ma’nosi nima?

    Javob: Ushbu so‘zning «yuksak sharaf», «miqdor» va «belgilangan vaqt yoki makon» kabi ma’nolari mavjud. 

  1. Savol: Nima uchun «Qadr kechasi» deya nomlangan?

    Javob: Ulamolar bu savolga bir qancha javoblar berishgan:

  • Bu kechaning darajasi juda ulug‘ bo‘lgani uchun;
  • Alloh taolo bu kechada duolarni ijobat qilgani uchun;
  • Bu kechada bedor bo‘lib ibodat qilganlarning ajr-savoblari bir necha barobar ko‘paytirib berilgani uchun;
  • Alloh taolo bu kechada qilingan solih amalni ming oydagi amaldan yaxshiroq qilib qo‘ygani uchun;
  • Bu kechada bedor bo‘lganlarning gunohlari kechirilgani uchun; 
  1. Savol: Bu kechaning boshqalaridan qanday ustunliklari bor?

    Javob: Uning kechaning boshqaridan bir qancha ustunliklari bor:

  • Ushbu kechada Qur’on Lavhul Mahfuzdan dunyo osmoniga nozil qilingan;
  • Bu kechada Alloh taolo farishtalarini osmondan yerga tushiradi;
  • Bu kecha omonlik va salomatlik kechasi bo‘ladi;
  1. Savol: Bu kechani qanday o‘tkazish kerak?

    Javob: Qur’on tilovati, namoz, zikr va duolar bilan ibodat qilib o‘tkazish lozim. 

  1. Savol: Bu kechada qoyim bo‘lishning hukmi nima?

    Javob: Rasululloh sollallohu alayhi vasallam bajargan va bunga targ‘ib qilgan amal bo‘lgani uchun sunnat amal sanaladi. 

  1. Savol: Ushbu kechada nima deb duo qilinadi?

    Javob: Ushbu kechada quyidagi duo ko‘proq aytiladi: «Allohumma innaka a’vuffun, tuhibbul a’fva fa’fu a’nniy» (Ma’nosi: Allohim, Cen marhamatli Zotsan, afv etishni suyasan, meni kechirgin!). 

  1. Savol: Qadr kechasini Ramazonning qaysi kechalaridan izlash lozim?

   Javob: Ramazonning oxirgi o‘n kunligidagi toq kechalar, xususan, yigirma birinchi va yigirma yettinchi kechadan izlash maqsadga muvofiqdir. 

  1. Savol: U barcha Ramazon oylarida bo‘ladimi yoki faqat Rasululloh sollallohu alayhi vasallam davrlariga xosmi?

    Javob: U  qiyomatga qadar barcha Ramazon oylarida bo‘ladi.  

  1. Savol: Nima uchun uning aniq qaysi kun ekani maxfiy qolgan?

    Javob: Buning hikmatlaridan biri musulmonlarni ixlos va muhabbat bilan Ramazonning oxirgi o‘n kunligini to‘liq ibodat ila o‘tkazishga targ‘ib qilishdir. 

10. Savol: Kechaning qanchasida qoyim bo‘lish lozim?

      Javob: Kechaning ba’zisini ibodat bilan o‘tkazish mumkin, ammo to‘liq ibodat qilish afzaldir.

 

Manbalar asosida

Iysoxon Yahyo tayyorladi

Ramazon-2019
Boshqa maqolalar

Ular 6 narsadan mahrum bo‘lmaydilar

08.04.2025   1608   3 min.
Ular 6 narsadan mahrum bo‘lmaydilar

Siz yaxshi fe’l-atvorga ega bo‘lgan holda oilangiz, qarindosh-urug‘larga  silai rahmli, ota-onangizga va atrofingizdagilarga yaxshilik qilayotgan bo‘lsangiz...

Tongni Allohga tasbehu hamd ila qarshi olib, Uni ulug‘laganingiz holda qosh qoraytirsangiz...

Alloh yaratgan narsalarida go‘zallikni ko‘rishga ishtiyoqmand bo‘lsangiz...

Yaralmishlarning bari Allohga tasbeh aytishini anglab yetsangiz va siz befoyda narsalar uchun emas, aksincha, buyuk ishlar uchun yaratilgan ekaningizga inonsangiz...

Odam bolalarining xatokor ekanini anglab, sizga yomonlik qilganni afv etish va ularga nisbatan kengfe’l bo‘lish harakatida bo‘lsangiz...

Agarda siz manmanlik, mansabparastlik va adovatdan najotga erishgan bo‘lsangiz va aytib o‘tilmagan o‘nlab ijobiy xis­latlar sizda topilsa, demak, siz Allohning hikmatini tushunib yetishga, U Zotga yaqinlashishga, Uni yaxshi ko‘rib, Unga shukr qilishga qodir kishiga aylanibsiz.

Alloh sizni boshqalardan afzal va mukarram qilgan, maqsadlaringizga erishtirgan. Shu tariqa siz inson Allohning yerdagi xalifasi ekanligini tushunib yetasiz va Allohning muxlis bandalari qatoridan o‘rin olishga tayyor bo‘lib borasiz.

Hakimlardan biri aytadi: “Kim oltita narsa bilan rizqlansa, boshqa bir oltitadan mahrum bo‘lmaydi:

1. Kimga shukr qilish nasib qilsa, ziyodalikdan mahrum bo‘lmaydi.
Zero, Alloh taolo Ibrohim surasining 7-oyatida: «...Qasamki, agar  (bergan ne’matlarimga) shukr qilsangiz, albatta (ularni yanada) ziyoda qilurman. Bordi-yu, noshukrchilik qilsangiz, albatta, azobim (ham) juda qattiqdir», deydi.


2. Kimga sabr qilish nasib etsa, savobdan mahrum bo‘lmaydi.
«...Albatta, sabr qilguvchilarga (oxiratda) mukofotlari behisob berilur»[1].


3. Kim tavba bilan rizqlansa, qabuldan mahrum bo‘lmaydi.
Bunday deyilishiga sabab shuki, Alloh taolo: «U bandalaridan tavbani qabul qiladigan...»[2], degan. 


4. Kim istig‘for bilan rizqlansa, mag‘firatdan benasib bo‘lmaydi.
Chunki Alloh taolo aytadi: «...Men dedimki: “Parvardigoringizdan mag‘firat so‘rangiz! Albatta, U (bandalariga nisbatan) o‘ta mag‘firatli bo‘lgan Zotdir”»[3].


5. Duo ila rizqlangan kishi ijobatdan mahrum qilinmaydi.
Zero, Alloh taolo G‘ofir surasining 60-oyatida aytadi: «...Menga duo qiling, Men sizlar uchun (duolaringizni) ijobat qilay!..».


6. Kim ehson qilsa, o‘rni to‘ldirilmay qolmaydi. Zero, Alloh taolo Saba’ surasining 39-oyatida: «...Biror narsani (muhtojlarga xolis) ehson qilsangiz, bas, (Alloh) uning o‘rnini to‘ldirur...», deya marhamat qiladi.

Hasson Shamsiy Poshoning
“Jannat bo‘stonidagi oilaviy oqshomlar” nomli kitobidan
G‘iyosiddin Habibulloh, Ilhom Ohund, Abdulbosit Abdulvohid tarjimasi.

[1]  Zumar surasi, 10-oyat.
[2]  Shuuro surasi, 25-oyat.
[3]  Nuh surasi, 10-oyat.