Ozarbayjonda “Halol” sertifikatini taqdim etish mexanizmi ishlab chiqiladi va hayotga tadbiq etiladi. Bu haqda islam.az sayti, "Ozarbayjon Respublikasining 2019-2025 yillarga mo‘ljallangan oziq-ovqat xavfsizligi bo‘yicha davlat dasturi"ga iqtibosan xabar bermoqda.
Hujjatga ko‘ra, ushbu faoliyat Davlat monopoliyaga qarshi kurashish va iste’molchilik bozori ustidan nazorat qilish agentligi, Oziq-ovqat xavfsizligi agentligi va mamlakat iqtisodiyot vazirligi tomonidan amalga oshiriladi.
Kavkaz musulmonlar idorasiga ushbu mexanizmni tayyorlashda ishtirok etish tavsiya etilgan. Mexanizmni shakllantirish 2020 yilda yakunlanishi ko‘zda tutilmoqda.
O‘zbekiston musulmonlari idorasi Matbuot xizmati
Savol: Masjidimizda tut, olma kabi mevali daraxtlar bor. Ular pishgan paytda, namozga kelganlar ulardan olib yeyishadi. Shu ish joizmi?
Javob: Bismillahir Rohmanir Rohiym. Masjid hovlisidagi mevali daraxtlar vaqf qiluvchi yoki daraxt ekkan shaxs tomonidan odamlarning umumiy foydalanishi uchun ekilgan bo‘lsa, odamlar bu daraxtlarning mevasini yeyishlari mumkin. Ammo agar bu daraxtlar masjid daromadi uchun ekilgan bo‘lsa, ya’ni ekkan odam “shu daraxtning mevalari mana shu masjid uchun daromad bo‘lsin” degan maqsadda ekkan bo‘lsa, yoki nima niyatda ekkani ma’lum bo‘lmasa, bu holatda ularni sotib, pulini masjid ehtiyojlariga sarflash zarur bo‘ladi. Shuning uchun, bu turdagi daraxtlarning mevalarini pulini to‘lamay yeyish joiz bo‘lmaydi. Vallohu a’lam.
O‘zbekiston musulmonlari idorasi
Fatvo markazi.