Quyida keltiriladigan fikrlar, hikmatlar ijtimoiy tarmoqlardagi turli sahifalardan olib tarjima qilingan. Bundan tashqari sahobai kiromlar, ulug‘ olimlar, Yaqin Sharq, Osiyo, Yevropa va Amerika mutafakkirlarining bir qator fikrlari ham berilgan.

*****

“Ey, Robbim! Meni va ota-onamni mag‘firat etgin!” degan duoni ko‘p qiling! Chunki, bu duo o‘zida uchta ibodatni jamlaydi:

- duoni;

- ota-onaga yaxshilikni;

- istig‘forni.

“Xovatir roqiya jurnali”

*****

• Kim aybsiz do‘st xohlasa, yolg‘iz yashaydi.
• Kim nuqsonsiz juft xohlasa, bo‘ydoq yashaydi.
• Kim muammolarsiz qadrdon xohlasa, o‘shanday qadrdonni izlab o‘tadi.
• Kim komil qarindosh xohlasa, qarindoshlaridan aloqani uzgan holda yashaydi.

“Xovatir roqiya jurnali”

*****

Agar «Devorning ham qulog‘i bor» degan maqolni «Farishtaning qalami bor» degan gapga almashtirsak, odamlardan emas, Alloh taolodan qo‘rqib, gunohdan tiyiladigan va Uning O‘zidan umid qiladigan avlod yetishib chiqqan bo‘lardi.

«Xovatir roqiya jurnali»

*****

• Ulamolarning yonida aqling bilan o‘tir.
• Rahbarlarning yonida ilming bilan o‘tir.
• Do‘stlarning yonida odobing bilan o‘tir.
• Oila a’zolaring yonida mehring bilan o‘tir.
• Nodonlarning yonida halimliging bilan o‘tir.
• Har bir joyning munosib gapi bor.

«Xovatir roqiya jurnali»

*****

• Oqila ayol eriga aytadigan har bir gapiga shakar qo‘shib gapiradi.
• Oqila ayol eriga aytadigan har bir gapidan tuzni olib tashlab gapiradi.

“Xovatir roqiya jurnali”

*****

To‘rt kishi borki, ularni hayotingda yo‘qotib qo‘yishdan ehtiyot bo‘l:

1. G‘azablanganingda sening gap-so‘zlaringga chidagan insonni;
2. Yo‘qligingda seni g‘iybat, haqorat va boshqa narsalardan himoya qilgan insonni;
3. Siqilgan paytingda seni xursand qilishga uringan insonni;
4. Mag‘lub bo‘lganingda senga yordam bergan insonni.

“Xovatir roqiya jurnali”

*****

BЕSh TOIFA ODAM UYLANISHGA, OILA QURISHGA YAROQLI EMASLAR:

1. DINDORLIGI KAM.
2. AXLOQSIZ.
3. BAXIL.
4. AYOLLARGA KO‘Z OLAYTIRADIGAN.
5. FЕ’L-ATVORI, XARAKTЕRI YOMON.

“XOVATIR ROQIYA JURNALI”

*****

Faqirlar boylardan ko‘ra ko‘proq qo‘li ochiqroq, saxiyroq bo‘lishadi. Chunki, ular ehtiyoj sezgisi nimaligini juda yaxshi bilishadi.

“Xovatir roqiya jurnali”

*****

- Menga jannatning ne’matlarini vasf qilib ber, dedi.

- U yerda Rasululloh sollallohu alayhi vasallam borlar, dedi.

“Xovatir roqiya jurnali”

*****

Hayotingdagi muhim shaxs - sen uning borligini his qiladigan emas, balki, sen uning yo‘qligini his qiladigan shaxsdir.

“Xovatir roqiya jurnali”

*****

Ey Robbim! Bizni rahmat nazaring bilan qarab, rahm qilgan, duolarini eshitib, ijobat qilgan bandalaringdan ayla!

Ey Robbim! Bizni, shukridan ojiz qoladigan ne’mat bilan rizqlantir! Bizni, sabridan ojiz qoladigan musibat bilan imtihon qilma!

«Xovatir roqiya jurnali»

*****

Internet materiallaridan to‘plab, tarjima qiluvchi

Nozimjon Iminjonov