Savol: Men ishlab chiqarishda ishlayman va o‘sha yerda tashkil qilingan tushligimizdan ortib qolgan nonlarni sherigim uyiga olib ketadi. Uning shu ishi to‘g‘rimi?

Javob: Bu yerdagi ortib qolgan taom va nonlar ishlab chiqarish egalarining mulki hisoblanadi. Chunki tushlikni ular tashkil etadi. Agar ular ortib qolgan non va taomlarni olib ketishga to‘g‘ridan to‘g‘ri yoki ishora bilan rozilik bildirgan bo‘lsalar, olib ketish joiz bo‘ladi. Aks holda esa mumkin bo‘lmaydi.

Payg‘ambarimiz sollallohu alayhi vasallam: “Musulmon kishining moli boshqaga halol emas, faqatgina o‘zi rozi bo‘lib, ko‘nglidan chiqarib bersagina, (halol bo‘ladi)”, deganlar (Imom Ahmad rivoyati). Vallohu a’lam.

O‘zbekiston musulmonlari idorasi
Fatvo markazi.